Яажа спецприемник, СИЗО ба түрмэ руу юумые суглуулхаб

Россиин хотонууд соо хүнүүдые дай эсэргүүсэhэн акцинуудай ушарhаа барина, СИЗО, түрмэ соо политичсека шалтагаанаар баригдаһан зониие үлээн. Баригдаһан зониие муу байдал соо байлгана, тиимэһээ «эрхи сүлөөтэй» байһан зонһоо ехэ туhаламжа хэрэгтэй. Тиимэһээ бидэ энэ заабари соо ондо ондоо эмхи зургаанууд руу яажа хэрэгтэй юумнуудые зүбөөр дамжуулхаб гэжэ хѳѳрэхэбди.

Хуушан үгэнүүдэй тайлбари толи 

Спецприемник. МВД-гэй үүсхэл доро ороно. Сүүдэй шиидэбэреэр захиргаанай зүгһѳѳ барилга табигдаһан зондо зорюулагдана. Сүүд болотор баригдаһан зон сагдаагай газарта байха болоно.

ИВС (саг зуурын барилгын изолятор) Баһал МВД-гэй үүсхэл доро ороно, харин зэмыень гаргагдаагүй гэмтын ябадалай hэжэглэлтэй зониие тэндэ оруулдаг. Хэрбээ спецприемник соо сүлөөтэй газаргүй һаа, захиргаанай зүгһѳѳ баригдаһан зониие ИВС руу оруулжа болохо.

СИЗО (мүрдэлгын изолятор). Эндэ түрмэдэ орохо гэһэн шиидэбэри гаргаһанай һүүлээр, буруушалга хэһэн гэмнүүлэгшэ хүнүүдые оруулдаг. СИЗО соо хаалтатай камеранүүдта зониие байлгадаг. Энэ эмхи зургаан ФСИН-да хабаададаг.

ШИЗО (ялын изолятор). ФСИН-эй тусхай эмхи зургаан. Тэндэ байршалгын гуримаа барижа шадаагүй зоной камеранууд байдаг. Тэндэ баригдаһан зоной эрхи сүлѳѳень бүри ехээр хизаарладаг. 

ПКТ (камерна маягай үрѳѳ). ШИЗО-до орходоо бүри шанга гуримтай түрмын тусхай хуби. Тиишэнь «зорюутын» гурим эбдэлгэһэн зониие ябуулдаг дүримтэй. 

Юумэ дамжуулха гэхэдээ юун гээшэб?

Передачанууд гээшэ хадаа баригдаһан зондо дамжуулагдаһан хубсаһа хунар, эдеэ хоол болоно. Тэдэ ехэ шухала хэрэгтэй юм болоно. Юундэб гэхэдэ, МВД ба ФСИН хоерой эмхи зургаанууд соо хуулиин еһоор үгэгдэхэ ёһотой арюун сэбэрэй хэрэгсэлнүүдые жэшээлхэдэ, дутаажа үгэдэг юм. Уһаар, эдеэгээр ехэ дутадаг юм тэндэ баригдаһан зон.

Передачануудые ямаршье наhаа гүйсэhэн хүн шадаха — түрэлхид гү али үгы гү, шухала бэшэ. Нэгэ хүн ганса нэгэ баригдаһан хүндэ передача үдэрэй турашада асаржа шадаха. 

Передачануудые шангаар зохидуулха хэрэгтэй, юундэб гэхэдэ, тэдэниие һара соо хизаартайгаар асаржа болохо. Зарим колонинууд соо асарха передачануудай тоо тоологдожо, баһал хизаартай юм. Тэрэнэй хойноһоо баригдаһан хүнэй түрэлхидэнь али дүтын нүхэдүүдэнь сахижа байдаг юм. 

Хэрбээ та түрэлхи бэшэ һаа дүтэ зонойнь зүбшѳѳрэл абаагүй, передача бу ябуулагты. Заабал үмѳѳрэгшэһѳѳ, түрэлхидһѳѳнь, нүхэдһѳѳнь асуугты — энэ хугасаа соо ябуулжа болохо гү гээд. Тиигээгүй һаатнай, нүгѳѳ хүнһѳѳ передача абахагүй юм.

Передачануудай ниитын журам таарадаггүй:

• хүмүүжүүлгын колониинуудай 18 наһа хүрѳѳгүй үхибүүдтэ
• ШИЗО-гой ба ПКТ-гэй баригдаһан зондо (тэдээндэ хизаарлалтанууд бии)
• эрэмдэг бэетэй зондо, жэрмэһэн эхэнэрнүүдтэ, хүхѳѳр үхибүүдтэ (тэдээндэ һуладуулга байха)
• үлэн байлгын хойно зондо (тэдээндэ тусхай эдеэ хоол хэрэгтэй)

Передачануудай танхим

Передачануудай танхим — эмхи зургаанай талмай дээрэ передачаяа үгэхэ жаахан үрѳѳ. Ошохоһоо урид ажалын сагыень эмхи зургаанай сайт дээрэ шалгаха хэрэгтэй.

Юу абажа ябаха хэрэгтэйб:

• паспорт
• ручка
• эдихэ юумэ, дамжуулха юумэ
• дамжуулха юумэеэ бэшэжэ бүртгэхэ саарһа (тэндэ абажа болохошье һаань, абаад ошохонь дээрэ)
• юумэ үбэнүүлхэ хэрэг гараа һаань, жаахан целлофан туулмаг
• нэгэ-хоер томо туулмаг — тэрээн соо баригдаһан хүүндэ асарһан юумыень хэжэ дамжуулха
• гүүгэгэр пластик шэл ууха юумэнэй ба пластик контейнер үдхэн эдихэ юумэнэй

Передачануудай танхим соо ээлжээнүүдээр ямар бэ?

Зарим эмхи зургаанууд соо ФСИН. Сонхо гэһэн зүйлэ ажална. Тэрээнээр ээлжээ захихада болоно. Амиды ээлжээгээр 30 минутаһаа гурбан саг болотор хүлеэлгэжэ болохо. Ондо ондоотой ээлжээнэй дүримүүд элдэбын байха. Зарим газарта тэрэнь электронно ээлжээнтэй адли ябаха, заримтайнь үглѳѳнь электронноор абадаг, үдэһээ хойшо — амидыгаар. 

Захиргаанай хэhээлтэ ба спецприемник

Хүниие барижа автозак соо hуулгаба

Протестна хэмжээ ябуулгануудта юрэнхыдѳѳ сагдаанар автозак дүүрэхыень хүлеэдэг — тэрэ хадаа нэгэ хэдэн саг боложо болохо. Баригдаһан хүниие сагдаагай газар руу абаашахын урид автозак руунь уһа, эдихэ юумэ, пауэрбанк, сэнэглэхэ утаһан, үмѳѳрэгшын утаһанай дугаар үгэжэ туршахада болохо. Тиихын тула сагдаанарые гуйха хэрэгтэй — тэдэнэй хүсэлһѳѳнь ба танай зүдхүүһээл болохо али үгынь шалтагаарха болоно. 

Хүниие ОВД руу али сүүд руу асараа

Заримдаа сагдаагай газар руу али сүүд руу соо элдэб шалтагаанhаа боложо ябагшадые оруулдаггүй. Тиимэ дээрэhээ сүүд руу (захиргаанай зүгһѳѳ хэрэгээр) үмѳѳрэгшые дуудаха хэрэгтэй. Тэрэ дамжуулгыетнай доошо буужа, абахыень, харин ОВД соо дежурна сагдаатай хѳѳрэлдэхэ тэрэ. 

 Хэрбээ ОВД руу дамжуулгыетнай абаагүй һаань, иимэ гэршэ бариха аргатайт: 

Оросой Холбоото Уласай Засаг газарай 2012 оной апрелиин 16-ай 

• шиидэбэриин 20-хи хабсаралта
• Энэ шиидэбэриин 4-хи хабсаралта

Хэрбээ та хаалтада байhан хүнэй нэрэ обогыень мэдэхэ һаа, паспорта абаа һаа мүн ажалай саг соо тааража ошоо һаа, (юрэнхыдѳѳ 10:00–18:00 болотор 13:00–14:00болотор хоолой забhартай), танай дамжуулгые абаха уялгатай.

Хэрбээ та ажалай саг соо тааража үрдеэгүй һаа, дежурна сагдаатай хѳѳрэлдэхэ хэрэгтэй. Тэдэ арбаад үлэн зониие сагдаагай газар соогоо барихаяа һанадаггүй, тиимэһээ зүбшѳѳржэ болохо юм. 

Олониитын акцинуудай болоходо, сагдаанара «Крепость» гэһэн түсэб соносходог ушартай. Тэрэ хадаа үмѳѳрѳгшэдые баригдаһан хүндэ оруулхагүй гэһэн юм. Тиимэ байдалда дамжуулгые ябуулха ямаршье арга үгы болохо. Тиигээшье һаань, «Крепость» түсэбые үсэд оролдолгоор сохижо болохоор — сагдаагай газар руу оло дахин хонходожо, бэшэмэл гомдолнуудые дежурнын нэрэ дээрэ ябуулжа. Теэд муниципальну депутатуудай, үмѳѳрэгшэдэй, ОНК-нуудай гэшүүдһээ туһа баһа эрихээр. Тэдэниие оруулха гэжэ боломжо бага, харин үзэхэдэ болохо юм.

Хүниие спецприемник руу оруулаа

Баригдаһанай һүлээр хүние спецприемник руу оруулдаг. Тэндэ тэрэ 30 хоног соо байха. Дамжуулга ябуулхын дүримүүд ондо ондоо байжа болохо, эмхи зургаанай сайт дээрээнь хараарайгты. Дамжуулжа байһан юумнүүдэй эгээ ехэ жин — бүхы байһан хугасаа соонь 30 килограмм. Харин хэдышье удаа дамжуулжа болоно. 

Та дамжуулжа шадахат:

• зүһэжэрхигдэһэн хилээмэ
• сушки ба хатаагдаһан хилээмэ
• пряниг
• печенье ба хомпетэ архигүй зосоо гоо
• хатуу бислаг, утагдаһан хиам
• уһа
• ариг сэбэрын хэрэгсэлнүүдые: шүдэеэ угааха шүүзэ, паста, хуурай ба нойтон салфеткэ (архигүй), жорлонгын саарһа
• эмнэлгын хэрэгсэлнүүдые
• хѳѳһэн хибэс
• хүнжэл ба унтахын мэшээг
• номуудые
• саарһа, ручка (хүхэ ба хара будагтай, конвертнуудые, маркануудые
• хэрэгэй зүйлэнүүдые

Уридшалhан хаалга ба СИЗО

СИЗО руу 30 килограмм юумэ һарын туршада дамжуулжа болохо — юрын передачануудшье, интернет-дэлгүүрнүүдһээ захяалгануудыешье тоолохо тэрээн соо. Почтоор ябуулһан юумэд ба хаагдаһан хүнэй худалдажа абаһан зүйлэнүүд харин, тоологдохогүй. Харин абаһан юумэнэй жин хизаартай юм. 

Хаагдаһан эрэ хүндэ 50 килограм хубиин юумэ ба эдихэ хоол барижа болохо (саарһа дансанууд тоологдохогүй). Эхэнэрнүүдтэ хизаар — 30 килограмм. Хээлитэй болон гурбан наһа хүрѳѳгүй үхибүүдтэй эхэнэрнүүдтэ хизаар үгүй болоно. 

Заримдаа зорюуталһан зон тон хэрэггүй юумнүүдые ябуулдаг, хизаар дууһахын түлѳѳ. Тиимэ ушарта хаагдаһан хүн тусхай хүнһѳѳ дамжуулгануудые абахаяа хориглохыень саарһа бэшэжэ болохо. 

СИЗО соо олон юумэ абахада — һаата болохо. Нэгэдэхеэр, тэндэ юумэ хадаглаха газар бага юм. Хоердохеор, түрмэ руу хүниие абаашахадань, дан олон болохо. Гурбадахяар, түрмэ соо юумнүүдые хуряагаад, склад руу абаашаха. Тэндэһээ хулгайлаагүй һаань, хуушараад һалажа болохонь мэдэлтэй. 

Юу дамжуулжа болохогүйб? 

Бүхэ дамжуулганүүдые харадаг. Асарһан пакедуудыетнай нээлгэжэ, зосоонь байһаниие харуулха, гүүгэгэр пакет соо хэхэ гэжэ эрихэдэнь бэлэн байха хэрэгтэй.

Хориглоһон юумнүүдэй хуулбари дамжуулгын танхим соо байха ёһотой. Харин СИЗО бүхэндэ ѳѳрын журам ба ноедой захиралтанууд гэжэ байдаг юм. Ямар нэгэн юумэ оруулха гү али үгы гү, тусхай ажалтанһаа дулдыдаха юм.

Тиин олон эмхи зургаанууд соо һуулгамаршан хизаарлалтанууд бии юм. Жэшээнь, зундаа хурдан муудадаг эдихэ юумые оруулжа болохогүй, юундэб гэхэдэ камеранууд соо хүргүүл байдаггүй гэжэ болохо. 

Хориглогдоһон эдихэ юумэ:

• хүнэй ажамидаралда, эрүүл мэндэдэ аюултай байха зүйлэнүүдые, эдихэ юумые али зэбсэг болохо хутага, шиирэнүүдые оруулхагүй
• шанажа, шаража бэлдэхэ эдихэ юумэн (бусалгаһан уһаар бэлдэдэг эдеэнһээ бэшэ)
• гэртэхи консервэ
• үндэгэ
• шүүһэн
• жэмэс, арбуз, дыни, ананас, һархяаг
• түмэр, шэлэ аяга соо эдихэ юумэ

Юу дамжуулхада болоноб?

Эдеэ хоол

томо яһагүй угаагдаһан хуурай жэмэс — алим, гурша, зарим газарта — банан, мандарин, апельсин, лимон (үбэлдѳѳ баригдаһан хүндэ витамин дутана гэжэ аргадалжа болохо)

• ногоон — һонгино, чеснок, морхооб; зарим газарта — үгэрсэ, помидор
• яһагүй шабга — курага, чернослив, изюм, инжир, финик, хальһангүй самар 
• сай — ганса набшаһан хара, амталагшагүй; заримтайнь пакетуут соохи сай оруулхагүй 
• кофе ба какао (пакет руу хэжэ болохо)
• сагаан шэхэр 
• досоонь юумэгүй конфетэ, карамель досоонь юумэгүй
• печени, пряник, вафлинууд — бултандаа досоогоо, дээрээ юумэгүй
• хатаагдаһан хилээмэ, сушки, баранка
• хилээмэ
• шоколад, мармелад
• мюсли ба каша (пакет руу хэжэ болохо)
• шүлэ, лапша, хурдан бэлдэхэ нюдэгдэһэн хартаабха (приправагүй)
• хиама (хэршэгдэһэн, заримдаа батон бүтэнээр), шанагдаһан колбаса (ганса үбэлдѳѳ), утагдһан загаһан (яһагүй), сало — булта вакуумна шэлэ соо байха ёһогүй, дэлгүүрэй саарһатай, хугасаатай)
• гүүгэгэр шэлэ соо һүн (25°C 10 хоногой хугасаатай)
• шэлэ соохи ууха йогурт, творог (булта нэмэлтэгүй, ута хугасаатай 25°C)
• сагаан тоһо, хатуу бислаг (дэлгүүрэй саарһатай, хугасаатай)
• галзированна сырогууд
• хааяа сок ба тетрапактай ууха юумэ оруулха, харин уридшалжа һураха хэрэгтэй
• теэд хааяа маханай ба загаһанай консервэ оруулдаг юм

Эдихэ юумэн гүүгэгэр полиэтилен пакетууд соо дэлгүүрэй саарһатай, хугасаатай байха еһотой. Зарим эмхи зургаан соо эдихэ юумые уридшалжа хубааха аргатай, заримтайнь дамжуулгын танхим соол хэжэ болохо. Хэрбээ та эмхи зургаанай дүрим мэдэхэгүй һаа, саарһа юумыень абаха хэрэггүй. Хэрбээ та юумэеэ һүнтэлжэ абаа һаа, дээрэнь жинтэй саарһан байха ёһотой. Хэрбээ заха дээрэ эдихэ юумые абаа һаа, жингыень бэшэжэ, дэлгүүрһээ саарһа абахат.

Ариг сэбэрэй хэрэгсэлнүүд

• хубсаһанай мэлэ (түрүүшэнхидээ хайрсагтай)
• жорлонгой саарһа
• пластигаар хэгдэһэн шүдэнэй ой (түрүүшэнхидээ хайрсагтай) ба шүдэнэй шүүз
• архигүй нойтон ба хуурай салфетка
• шампунь, угаалгын гель, һахал абаха гель (гүүгэгэр хайрсагтай али шэлтэй) 
• шариково дезодорант (аэрозольна бэшэ, спиртгүй пластик хайрсагтай)
• пластик хайрсагтай крем
• хубсаһа угааха порошок (пакет руу хэжэ болохо)
• хубсаһа угааха таз
• резинэ бээлэй
• аяга угаха хѳѳһэ
• аяга угаха юумэ гүүгэгэр аягатай
• мочалка
• аршуур (абаагүй байжа болохо)
• унтаха сагаан даавуу — хоер простыни ба наволочка (абаагүй байжа болохо)
• хюмһанай хабшаг (хатхаха ба хэршэхэ юумэгүй)
• нэгэ удаагай бритва
• һам
• эхэнээрнүүдтэ — үдэр дутам (СИЗО соо ехэ багаар үгэдэг)

Хубсаhан

Перечень разрешенной одежды есть в приложениях к правилам внутреннего распорядка (ПВР). Как правило, не разрешают передать одежду с принтами и логотипами, камуфляжную одежду, а также одежду с застежками и шнурками. Если вы не знаете точного размера одежды, лучше выбрать ту, что побольше.

Зүбшөөлэгдэһэн хубсаhанай данса хабсаралтануудай дотоод журамай заабари (ПВР) соо бии. Юрэнхыдѳѳ урдаа зурагтай, бэшэлгэтэй, сэрэгшэдэй болон оно замаг, уялга болоhон хубсаhа оруулдаггүй. Хэрбээ та хубсаhанай таараха үгыень мэдэхгүй hаа, томыень абажа ябуулагты. 

• мухар үмдэн, оймһон
• термо мухар хубсаһа
• футболко
• свитер
• спортын костюм
• үмдэ, джинсэ
• супинатаргүй, бүшэгүй, түмэр набойкагүй гутал
• резинэ таапочканууд
• күүртэг
• малгай
• нооһон бээлэй
• хубсаһанай томо сүүмкэ 
• берушанууд ба унтариин маска (СИЗО соо гэрэл ба шууяатай байжа болохо)

Үшѳѳ юун бэ?

• бусалгуур 0,6 кВт хүрэтэр шангатай (зарим СИЗОнууд руу тусхай бусалгуур ба пластик домбонуудые абадаг. Тэрэниие уридшалан асууха хэрэгтэй)
• тамхин — баригдаһан хүн тамхи татадаггүйшье һаань, юумэ андалдажа абахадань хэрэгтэй болохо (заримтайнь пачкаарнь абадаг, зармимтайнь бүхэ пакет руу хэхэ хэрэгтэй болохо. тамхияа хуулбари руу эгээл һүүлдэ оруулжа, пакет соо баһал һүүлдэ хэхэ хэрэгтэй, хухархагүйн түлѳѳ)
• шүдэнзэ (пакет руу хэлгэжэ болохо)
• пластик аяга, табаг, томо табаг
• бэшэхэ юумэ — харандаа, хүхэ али хара ручка пружинагүй, пружинагүй дэбтэр, саарһан, маркануудтай конверт
• дүрэ зурагуу — баригдаһан хүн тэдэниие бэшэжэ, дүтэ зондоо ябуулжа шадахыень 
• саарһадай папка, сүүд рүү абаашахада, асархада хэрэгтэй болохо. Харин СИЗО руу болохогүй

Дамжуулгые абаагүй байжа болохо гү?

Тиимэ.Дамжуулга абаагүй байжа болохо, хэрбээ баригдаһан хүниие ондоо эмхи зургаан руу ябуулаа һаань, сүүд руу абаашаа һаань али мүрдэлгын эрэгтэ, карцер руу оруулаа һаань али дан томо дамжуулга байбал, абахагүй. 

Яажа эльгээлтэ ябуулхаб?

Эльгээлтэнууд соо дамжуулгануудтай адлиха юумнүүдые ябуулжа болохо. Гансал хурдан муудадаг юумые эльгээхэ хэрэггүй юм. Почтын газарта ерэжэ хэрэгтэй хайрсаг абажа, зосоонь юумэнүүдээ хэжэ, саарһыень бүртгэжэ теэд лэ почтоор ябуулха хэрэгтэй. Эльгээлтэнүүд дамжуулгануудһаа удаанаар ошодог, тиимэһээ СИЗО-до ойро почта бэдэрхэ хэрэгтэй.

Ягаад номүүдые ябуулхаб?

Изоляторнууд руу номуудые эльгээлтээр ябуулдаг һэн, харин зарим руунь OZON сервисээр ябуулжа болохо. Тиихын тула номуудые тэрэ сайт дээрэ шэлэжэ абаад, абаха хүнэй нэрэ обогыень, түрэһэн үдэр, жэлыень бэшээд, почтоор ябуулха мүн ямар изолятор рууб гэжэ шэлэжэ абаха хэрэгтэй. Комментаринууд соо эльгээлтэ СИЗО-гой танхим руу ябуулха гэжэ тэмдэглэхэ хэрэгтэй. СИЗО-руу номууд ерээд, тэндэхи номой сан руу орохо. Теэд баригдаһан хүн тэндэһээ саг зуура номуудые абаха аргатай. 

Тиин юридическа сэдэбүүдтэй номуудые баһа ябуулжа болохо. Жэшээнь¸уголовно-процессуальна кодекс, уголовно-исполнительна кодекс, СИЗО соохи дотоод журам гэхэ мэтэ.

Яагаад эмүүдые ябуулхаб?

СИЗОнуудай эмнэлгын түбүүд соо юрын эмүүд байха ёһотой, харин үнэн дээрэ тэдэ дутадаг юм. 

Эм али витамин ябуулхын түлѳѳ, СИЗО-гой эмшын зүбшѳѳрэл хэрэгтэй. Элүүр мэндын бэрхэшээлнүүд тухайгаа баригдаһан хүн эмшэдэ ошожо дуулгаха ёһотой. Хэрбээ СИЗО соо хэрэгтэй эмүүд үгы һаань, эмшэ зүбшѳѳрэл бэшэжэ үгэхэ. Тэрэнииень баригдаһан хүнэй түрэлхидэнь али нүхэдэнь абажа шадаха.

Эмүүдэй дамжуулгануудта ондоо дүримүүд байдаг. Тэрэниие дамжуулгануудай танхим соо али эмхи зургаанай сайт дээрэ олохоор юм. Эмүүдые дамжуулгын түлѳѳ үшѳѳ уридшалжа утаһаар хонходоод, эртэ ерэхэ хэрэгтэй. Тиимэ дамжуулгануудай тусхай бэшэхэ бланк байха. 

Шухала: эмүүдые абаһан тухай чекүүдые хадаглагты. 

СИЗО соо ходо гэрэл аһагдаһан байдаг. Тэрээнһээ боложо, хүн зоной нюдэн ехэ муудадаг тэндэ. Тиимэһээ нюдэнэй шэл хэрэгтэй болохо тэндэ байһан зондо. Тэрээниие дамжуулгаар али эльгээлтээр ябуулжа болохо. Хажуудань заабол түрмын нюдэнэй эмшын зүбшѳѳрэл бариха хэрэгтэй. Нюдэнэй шэл (линзань, хүреэнь) ба хайрсагань пластигаар хэгдэһэн байха ёһотой, түмэр зэбсэггүй. 

Түрмэ

Юу баригдаһан хүндэ түрмэ руу ябуулхаһаа урид дамжуулхаб?

Баригдаһан хүниие түрмэдэ оруулха гэжэ шиидэбэри гаргаһанай һүлээр саашань ябуулха — СИЗО һоо колони түрмэ руу. Уридшалжа, хаашаань хүниие абаашахаб гэжэ мэдэхээр бэшэ. (ганса сүүдэй шиидэбэреэр ѳѳрын аргаар хүрэхэ гэжэ шиидэбэри гаргаа һаань, һуурин соо байха зондо хаягынь хэлэдэг юм). Колони хадаа ондоо можо соо байжа болохо. Харгынь хадаа хоер-гурба долоон хоног соо татагдажа болохо. Харин поезд соо байдал хадаа муухай байжа болохо, сүлѳѳтэй һуудал үгышье байжа болохо. 

СИЗО-гой захиргаанайхид сүүдэй шиидэбэриин гараһанай һүүлээр арбан үдэрэй туршада абаашаха хүниие ябуулха ёһотой. Тэрэ хугасаа соо баригдаһан хүндэ юун хэрэгтэй болохоб гэжэ мэдэхэ хэрэгтэй юм. 

Дамжуулжа болохо

• пластик бутылка — поездоор ябахадань, жорлон руу оруулагүй байгаа һаань, хэрэгтэй болохо
• нойтон салфеткэ — бэеэ угаахын орондо
• дулаан хубсаһан ба тапочканууд
• тамхин
• хүнгэн ба садхамартай эдихэ юумэн — хурдан бэлдэхэ лапша, хомпетэ, шэхэр, сай
• хоер литр уһан

Хэдышье ехээр номуудые уншадаг һаань, баригдаһан хүндэ багаар номуудые абаха гэжэ дурадхагты. Тэдэ хадаа хүндэ, ашаалхада һаата болохо, гарай гэнжэтэй ба ходо шалгалтануудай доро ябахада бүри хэрэггүй. 

Юу түрмэ руу дамжуулхаб?

В колониях максимальный вес одной передачи и посылки составляет 20 килограммов, бандероли — пять. Количество передач и посылок в мужских колониях зависит от вида режима и условий отбывания наказания; в женских колониях оно не ограничено. Проверить лимиты посылок можно по таблице, которую сделали активисты «Открытого пространства».

Түрмэнүүд соо нэгэ удаагаар юумэ дамжуулхын эгээл ехэ жин хадаа хорин килограм болоно. Бандерольнуудые — табан. Эрэшүүлэй түрмэнүүд соо дамжуулха юумэнэй тоо журамһаа, дүримүүдһѳѳ дулдыдаха юм. Эхэнэрнүүдэй түрмэ соо тиимэ хизаарлалта харин үгы. Хизаарлалтануудай жэшээ шалгахын түлѳѳ «Открытое пространство» гэжэ түсэлэй һайн дуралтанай ажалаар харахада болохо. 

Харин юрэнхыдѳѳ ябуулагдаха юумэнүүдэй зүбшѳѳрлэгдэхэ үгынь СИЗО-гой бусад дүримүүдтэй адлихан лэ байдаг (тэрээн тухай дээрэ харагты). 

Хубсаhа дамжуулха хэрэгтэй гү?

Түрмэнүүд соо (һуурилагдаһан түрмэнүүдһээ бэшэ) баригдаһан зондо заабол түрмын хубсаһа үгэдэг юм. Тэрэнь хадаа үдэр бүриин болохо. Тиигээшье һаа, майка, футболко, дотор хубсаһа, оймһо, нооһон оймһо юумнүүдые дамжуулхада болохо. 

Гутал тухай түрмын ноёд юун гэхэб гэжэ хэлэхэ аргагүй. Хара үнгэтэй зураггүй, бэшэггүй, уялгагүй кроссовконуудые ябуулхада болохо. Туршаад үзэхэдэ буруу бэшэ юм.

Яагаад эм дамжуулхаб?

Эмүүдые түрмын эмэй түб руу дамжуулхада али почтоор эльгээхэдэ болохо. Эмтэй болон витаминтай эльгээлтэнүүдые, дамжуулгнауудые хизаарлалта соо тоолохогүй юм. Тэдэнэй хизаарлалта ондоо. Хэрбээ баригдаһан хүн үбшэндэ хүртѳѳ һаань, тэрээндэ хизаарлалтаһаань дээрэ эмүүдые ябуулжа болохо. Тусхай эмүүдэй нэрэ ба тоо түрмын эмшэдэй хурал али ганса эмшэшье шиидэжэ абаха.