Дамчыдылганы спецприемникче, СИЗОже болгаш колонияже канчалдыр чыып алырыл

Россияның хоорайларында кижилерни Украинаже халдаашкынга удур удурланыышкын чорудулгалары дээш тудуп хоругдап турар, СИЗО-да болгаш колонияларда политика дээш шииттирген улустар ам-даа бар. Хоругдаттырган болгаш шииттирген улусту багай байдалда тудуп турар, ынчангаш оларга «даштындан» дуза эргежок чугула. Бис силерге амгы айтыышкынга канчаар шын дамчыдылганы ангы-ангы күрүнениң албан черлеринче чыып алырын чугалап бээр бис.

Сөс курлавыры

Спецприемник. Эрге чагырга чуруму-биле МВД-ге хамааржыыр болгаш суд административтиг хоругдал олуртурун онаанган улус тудар чери. Судтун бертинде хоругдаткан улус полицияның сылбырынга турар.

ИВC (түр хостуг байдалдың изолятору). Эрге чагырга чуруму-биле база МВД-ге хамааржыыр, ынчалза-даа, хөй нуруузунда, амдыызында боогдал хемчээлин шилип албаан кижилерге, кеземче кем-херек үүлгеткен деп каразыттырганнарга онааган. Бир эвес тускай шииткелдерде черлер чок болза, административтиг хоругдаттырганнарны ИВС-ке тургузуп болур.

СИЗО (Истеп тывар изолятор). Хоругдал дугайында доктаал үндүрген соонда, кем-херек үүлгеткени дээш буруудаттырган кижилерни бо черге тургузар. Хоругдаттырганнарны СИЗО-га хааглыг камераларга тургузар. Истеп тывар изолятор ФСИН-ге хамааржыр.

ШИЗО (штраф изолятору). Хоругдал чурумун үрээни дээш камералар тургустунган ФСИН-ниң камгалал албанының аңгы кезээ. Ында хоругдаттырганнарның эргелерин улам күштүү-биле кызыгаарлап турар.

ПКТ (камера хевирлиг бажың). ШИЗОга көөрде, Колоняның чуртталгазының артык шыңгыы негелделерлиг аңгы кезээ. Ынаар «коргунчуг» чурум үрээшкини дээш чорудар.

Дамчыдылга дээргу чуу үл?

Дамчыдылга дээрге шиитиргеннерге дамчыдар чем, идик-хеп болгаш ажык херекселдер. Олар эргежок чугула, чүге дээрге МВД-де болгаш ФСИН-де хоойлу ёзугаар көргүстүнген нормативтерни үргүлчү сагывайн турар, бээр ужурлуг херекселдерни бербейн турар — чижээлээрге, чунар херекселдерни херек саны ёзугаар, четчир ижер суг болгаш четчир хемчээлдиг аъш-чем бербейн турар.

Кандыг-даа назы хар чеде берген кижи дамчыдылганы дамчыдып болур. Төрел болуру чугула эвес. Чүгле чаңгыс кижи чаңгыс катап хунде хоругдаттырган кижиге дамчыдылганы дамчыдып болур.

Дамчыдылгаларны шыңгыызы-биле харылзаштырар херек, чуге дезе айда кайы-хире кил дамчыдылга дамчыдып болуру өйлеп каан. Чамдык колонияларда каш катап дамчыдылга дамчыдып болурун өйлеп каан. Анаада ону хоругдаттырганның чоок төрелдери болгаш деткимче улус дамчыдылгаларны хайгаарап турарлар. 

Бир эвес силер төрели эвес болзуңарза, чоок төрел, адвокат азы деткимче улус-биле дугуржушпайн, дамчыдылга кылбаңар. Бир эвес силер дамчыдылганы дугуржулга чокка дамчыдар болзуңарза, өске кижинин дамчыдылгазын хүлевейн аап болур. 

Ниити дүрүмге хамаарышпас:

• к заключенным воспитательных колоний (то есть колоний для несовершеннолетних)
• к заключенным в ШИЗО и ПКТ (для них есть ограничения)
• к людям с ограниченными возможностями, беременным женщинам и женщинам с грудными детьми (для них есть послабления)
• к заключенным после голодовки (им нужно специальное питание)
• кижизидилге колонияларынга (назы-хар четпээн улуска колониялар)
• ШИЗО болгаш ПКТ-де хоругдаттырганнарга (оларга кызыгаарлаашкыннар бар)
• кадыы кошкаак кижилерге, иштиг-сааттыг кыс улуска болгаш эмзирер уруглыг кыс улуска (оларга чиигелделер бар)
• аш соонда хоругдаттырганнарга (оларга тускай чем херек)

Дамчыдылга чери

Дамчыдылга чери — дамчыдылга берип болур албан чернин дэвискээринге хамааржыыр улуг эвес өрээл. 

Бодунга ап чоруура албан:

• паспорт
• демир-үжүк
• чем болгаш дамчыдал хекселдер
• парлап үндурген дамчыдылга билдириишкинери (оларны дамчыдылга черинден ап болур, ынчалза-даа картай ап болур болза эки)
• бичии өтур көступ турар пакеттер, бирле чүвени солуй урар апаар болза 
• хоругдаттырганга дамчыдар чангыс азы ийи улуг пакет 
• суу чүүлдерге херек пластик шил сава болгаш хоюг чемге пластик сава

Дамчыдылга черлеринде оочур кандыгыл?

Чамдык албан черлерде ФСИН.Окно  деп хандырылга ажылдап турар. Ол хандырылганын дузазы-биле эртежик электроннуг очурга туруп алып болур. Ёзулуг оочур ёзугаар дамчыдылга 30 минуттан үш шака чедир болуп болур. Чурум дүрүму чер бүрүде ангы-ангы: бир черде чергелешкек болуп болур, өске черде эртен эртеден тура электронный оочур хүлээп аап турар, оон соонда — ёзугаар оочур. 

Эрге-чагырга чурумнуг хоругдал болгаш спецприемник

Кижини тудуп хоругдааш, автозакче олурткан

Удур шимчээшкиннер үезинде шагдаалар автозак доларын манаар, манаашкын  шак-шагы биле боор. Кижини шагдааларның салбырынче чедирип албаан шаанда, автозакче суг, чиир чем, пауэрбанк, зарядка удазын болгаш болчукчу-биле харыылзажыыр дугаарны дамчыдып болур силер. Ону кылырда шагдааларны дилээри херек, кол чүүл оларның күзели болгаш силерниң кызымааңардан хамааржыр.

Кижини ОВД-га азы судка эккелген

Чамдыкта полиция азы судче келген улусту аңгы-аңгы чылдагаан тып алгаш киирбес. Ынчангаш судка (административтиг херектер талазы-биле) болчукчуну дилээр болза эки, дүжүп келгеш дамчыдылганы ап алыр кылдыр, ОВДгe — база-ла дежурный-биле чугаалажыр кылдыр кыйгырар херек.

 ОВД-ге дамчыдылга хүлээвес болза:

• Россия Федерациязының Чазааның 2012 чылдың апрель 16 үнген доктаалының 20 чүүлү
• Бо доктаалга 4 дугаар немелде

Хоругдаткан кижиниң ат-сывын билир болзуңарза, паспорттуңар бодуңарга ап алган болзуңарза, хүлээп турар шактарда (дүштеки чапсардан өскезинде 13:00–14:00-де) силерни албан хүлээр ужурлуг.

Бир эвес хүлээвес шакта келген болзуңарза, дежурный-биле чугаалажыыр херек. Чамдыкта олар чөпшээрээрлер.

Хөй кижилерлиг шимчээшкиннер үезинде хоругдаткан улуска камгалакчыларын чоокшулатпас дээш, шагдаалар «Крепость"-деп планны кууседиир. Ындыг таварылгада дамчыдылга кылыры болдунмас апаар. Ынчалза-даа «Крепость"-деп планны кызып тургаш базып ап болур: хөй кыйгырыглар, хомудалдар бижип болур. Оон ыңай тус черниң депутаттарының, болчукчуларның болгаш ОНК кежигүннериниң дузазын дилеп болур. Чамдыкта олар дузалажыр.

Кижини тускай спецприемникче киирип каан

Хоругдал соонда кижини тускай хүлээп алыр черже аппаар. Аңаа ол 30 хонук чедир турар. Дамчылга чуруму турар чер аайы-биле ылгалып болур, ынчангаш дүрүмнерни турар черниң сайтызындан тодарадыр көрүп болур. Хоругдал үезинде 30 килограмм чедир дамчылга киирип болур

Дамчыдып болур чүүлдер:

• кескен хлеб
• сушки биле сухарейлер
• пряниктер
• алкоголь чок чигир-камбет аймаа
• кадыг чергениң быштаа база кадырган колбаса
• суг
• арыг-шеверниң чепсек-херекселдери: диш щетказы биле паста, кургаг болгаш шык салфеткалар (спирт чок), туалет саазыны
• эм аймаа (эмчиниң рецепти шыңгыызы-биле)
• хевис
• чоорган болгаш удуур шоодай
• номнар
• саазын, ручка (көк азы кара будуктуг) чагаа хавы болгаш маркалар
• херектиң саазыннары

Баш бурунгаар хоругдаары болгаш СИЗО

СИЗОда айда 30 килограмм чедир дамчыдылганы ап болур — анаа дамчыдылгалар-даа, интернет-садыгдан-даа дамчыдылгалар. 

Эр кижи 50 килограмм чедир бодунуң эт-хөреңгизин болгаш аъш-чемин шыгжап болур. Кыс улуска кызыгаар — 30 килограмм. Иштиг кыс улуска болгаш үш хар четпээн уругларлыг иелерге кызыгаар чок.

Чамдыкта хоругдаттырган кижиниң айда ап болур дамчылгазын төндүрер дээш, кезек улус өжегерээн ажыктыг эвес чүүлдерни ыяап-ла дамчыдар. Ындыг таварылгаларда хоругдаттырган кижи тодаргай кым дамчылганы киирип болурун бижиир.

СИЗОга хөй чүүлдүң херээ чок. Ында шыгжаар чер чок. Бир эвес кижини колонияже угландырар болза, ол чүүлдерни дажыглаары берге болур.

Чүү дамчыдып болбас?

Шупту дамчыдар чүүлдер албан хыналда эртер. Ап алган чүүлдериңерни чазарлап ажыткаш өттүр көстүп турар хапче сугарынга белен туруңар. 

Киирип болбас аъш-чем, оон өске чүүлдерниң даңзызын Дамчыдылга өрээлиниң ханазында стендте бижип каан ужурлуг болур. Ынчалза-даа СИЗО бүрүзү боду аңгы дүрүмнүг болур. Дамчыдылганы эрттирер азы эрттирбезин ол хүн ажылдап олурар кижиден дыка хамааржыыр. 

Хөй кезии СИЗО-лар үе шагның аайы биле киирип болбас даңзылыг. Чижээлээрге, чайын дүрген үрелиир аъш-чемни киирип болбас, камераларда (өрээлдерде) соодукчу чок болгаш. 

Киирип болбас чүүлдер

• кижиниң амы-тынынга айыылдыг чүүлдер,  кемниг хереке ажыглап болур чепсектер (чижэлээрге, бижек, таакпы кыпсыыр херексел)
• кылып чиир, хайындырар, быжырар, дүлер аъш-чем (изиг сугга шыгыдап аар чемнерден башка)
• бажыңга кылган консервалар
• чуургалар
• соустар
• каттар, арбуз, дыня, ананас, мөөгүлер
• демир болгаш шил савада чемнер

Чүү киирип болур?

Аъш-чем

• чуп каан улуг сөөк чок кадырган чимистер — яблок, груша, банан, мандарин, апельсин, лимон (чамдык черлерде чөпшээревес)
• ногаа аймаа — согуна, чеснок, морков, огурец, помидор (чамдык черлерде чөпшээревес)
• сөөк чок кадырган чимистер — курага, чернослив, изюм, инжир, финиктер, картап каан тооруктар 
• шай — чүгле бүрүден бүткен кара шай, пакетиктиг шайларны хүлээвейн барып болур
• кофе биле какао (хапче уруптар кылдыр дилээр чыгыы)
• ак калбак чигир 
• чемчи чок конфет-чигир аймаа 
• печенье, пряник, вафли — шуптузу иштинде чемчизи чок
• сухарей, сушка, баранки
• хлеб 
• шоколад, мармелад 
• мюсли, кадык (каша) немелде чок (хапче уруптар кылдыр дилээр чыгыы)
• дүрген шыгыдып чиир мүннер, лапшалар, картофельдиг пюрелер (шуптузу амдан киирер холуксаа чок болур ужурлуг)
• ыштапкаан колбаса, ыштапкаан балык (сөөк чок), дузап каан чаг — шуптузу ваакум хапта, хуусаа бижиктиг болур ужурлуг
• өттүр көстүп турар чук хапта сүт (10 хонук эртпээн хуусаа бижиктиг)
• ижер йогурт, творог (хуусаа бижиктиг)
• ак саржаг үс, кадыг быштак (сыр) (хуусаа бижиктиг)
• глазированные сырки
• тетрапак хавында хандыларны чөпшээреп болур, ынчалза-даа эрте дээре айтырып алыр болза эки
• эъттиг азы балыктыг консерваларны база чамдыкта чөпшээрээр

Шупту киирер аъш-чем өттүр көстүп турар хаптарга суп каан, хуусаазын бижип каан турар ужурлуг. Чамдык албан черлеринде киирер чүүлдерни эртежик белеткеп аап болур, кезек албан черлериниң негелдези — чүгле баргаштың көргүзүп тургаш өттүр көстүп турар хаптарже сугар. Дүрүмнерин билбес болзуңарза эрте дээре хаптарже суккана ажыы чок. 

Арыг-шевер херекселдери

• кара саваң (бир дугаар киирерде чук саваң харжааңга киирип болур)
• чоттунар саазын
• чук диш чуур щетка (бир дугаар киирерде чук хапка) дииш чуур паста чук хапта
• спирт чок өл база кургаг салфетка 
• шампунь, чуннар гель (өттүр көстүп турар савада)
• шариковый дезодорант (аерозольдуг, спирт чок, чук хапта)
• чук савада крем
• хеп чуур хоюг чүүл
• хеп чуур чук сава
• резин хол-хаптары
• аяк-сава чуур чымчак дүрбүүш
• аяк-сава чуур суук саваң
• эът-кеш дүрбүүрү
• чоттунар аржыыл (хүлээвес чыгыы)
• ак орун-дөжек аймаа (хүлээвес чыгыы)
• дыргак шымчыыр херексел 
• чангыс катап ажыглаар сал-чүлүүр
• баш дыраа
• кыс улуска — ай-демдээниң херекселдери

Хеп

Херек хептер даңзызын иштики корүм-чурумнуң дүрүмнеринде бижип каан. Колдуунда, чуруктуг, камуфляжтыг, шидиишкинниг, демирлиг хептер киирбес. Дамчылга киирер деп турар кижиңерниң хевиниң хемчээл дугаарын билбес болзуңарза улуг хемчээлди ап алыр болза эки.

• ырыктааш, ук
• термобелье
• футболка
• чылыг хөйлең
• спортивка хеп
• чүвүр, джинсы
• шидиишкин чок идик — чижэлээрге, чыпшынар чүүлдүг кроссовка
• резин шаараш идик
• куртка (хөректээш)
• бөрт
• дүктүг хол-хаптар
• эт-херексел шыгжаар улуг барба
• дааш-шимээн болгаш чырыктан камгалаар эт-хөреңги 

Оон чүү?

• кипятильник, 0,6квт чедир шыдалдыг (кезек сизолар бир тускай негелделерлиг болур, ону эрте-дээре билип алыр болза эки)
• таакпы — таакпылавас кижи-даа болза албан таакпыны киирер, ол дээрге ханык-чүүл орнажыырда херек апаар.
• сереңги (хапче урар)
• чук аяк-сава
• канцеляр херекселдери — карандаш, көк азы кара демир-үжүк, пружина чок кыдырааш, саазын, чагаа хаптары биле маркалар
• байыр чедирер ажык чагаалар
• саазын сугар папка

Дамчыдылганы хүлээвейн барып болур бе?

Ийе. Хоругдаткан кижини өскээр көжүрүпкен болза. Азы ол кижи судта, азы истелге байысаалында, азы карцерде, азы дамчыдылганың өйлеп каан нормазын ажыр эрте берген болза. 

Канчаан посылка чоргузарыл?

Дүрген үрелиир аъш-чемден башка, посылкага суп болур чүүлдер дамчыдылганың даңзызында ышкаш дөмей болур. Посылка чоргузарда почтадан тааржыр хааржак садып алыр силер, чоргузар чүүлдериңерни иштинче суккаш, бланкты долдургаш, почта таварыштыр чоргузуптар силер.  

Канчаан номнар чоргузуп болур?

Колдуунда, изоляторларже номнарны посылка таварыштыр киирип болур, ынчалза-даа чамдык СИЗОларже чүгле OZON таварыштыр чагыдып берип болур. Ынчаар дээр болза херек номну OZONда виртуал барбаже немеп алыр силер, хоругдаткан кижиниң ат-сывын, төрүттүнген ай-хүнүн бижиир, оон соонда почта таварыштыр чоргузарын шилип алгаш, СИЗОнуң адрезинче чоргузуптар силер. Албан немей тайылбыр бижиир силер «СИЗОже дамчыдылга”-деп. СИЗОга чедип келирге ол номну библиотекаже дамчыдыптар, хоругдаткан кижи номну библиотекадан кезек када ап номчуп болур.  

Хоойлу-дүрүм номнарын база киирип болур, чижээлээрге, уголовно-процессуальный кодекс, уголовно-исполнительный кодекс, оон-даа өске.

Канчаан эмнер киирип болур?

СИЗОнуң эмчи килдизинде шупту кол эмнер турар ужурлуг, ынчалза-даа шынында эмнер бо-ла чедишпес боор.  

Эмнер азы витамин киирерде оларны албан эмчи бижип бээр ужурлуг. Хоругдаткан кижи СИЗОнуң эмчизинге баргаш кадыының байдалын чугаалаар. СИЗОда тааржыр эм чок болур болза, эмчи рецепт бижип бээр ужурлуг. Хоругдаткан кижиниң чоок улузу Дамчыдылга өрээлинден ол рецепти ап алыр.  

Эмнер киирерде тускай график турар — ону Дамчыдылга өрээлинден азы СИЗОнуң сайтызындан билип алып болур. Черле эрте-дээре телефон таварыштыр бижидер, ол дамчыдылгалар аңгы бланктыг болур.

Чугула: эмнерниң чектерин шыгжап алыңар.

СИЗОда үргүлчү чырыкты кыпсып каан болгаш, улустуң карааның көөрү баксыраар. Ынчангаш карак-шили херек ындыг улуска. Карак-шилин дамчылгага офтальмолог-эмчиниң рецептизи ёзугаар киирер. Карак-шили албан чук болур ужурлуг, демир херексел чок.

Колония

Этап (көжүрер) бетинде хоругдаткан кижиге чүү киирип болур?

Буруудадыр доктаал соонда хоругдаткан кижини СИЗОдан колонияже көжүрер. Кайы колонияже көжүрерин эрте-дээре билип алыр арга чок — чөпшээревес (колония-поселениеже көжеринден башка, бо болуушкунда суд адрезти бээр, хоругдаткан кижи боду ол колония-поселениеже чедер ужурлуг). Колония өске черде болуп болур, ынчангаш хоругдаткан кижини көжүрери үр болур. 

Судтуң шииткел үндүрген соонда, СИЗОнуң ажылдакчылары хоругдаткан кижини 10 хонук тургузуунда колонияже көжүрүп чоргузар ужурлуг. Ынчангаш, хоругдаткан кижиден херек чүүлдерин айтырып четтигер болза эки.

Чүү киирип болур

• чук сава — ол чүүл херек апаар, поездиге арыгланып-сидиктээр арга бербес болза 
• өл салфетка — аштанып чугдунарда
• чылыг хеп биле идик
• таакпы
• аъш-чем — дүрген шыгыдып чиир лапша, шай, конфет, чигир
• каш литр ижер суг

Хоругдаткан кижи номчутунарынга ынак-даа болза, эвээш номнар алыр кылдыр чугаалаңар. Номнар аар чүък, ылаңгыя, хол кинчизи кетсип каар болза, азы хыналда үезинде эпчок апаар.

Колонияже чүү киирип болур?

Колонияларда эң улуг дамчылганың кили 20 кг-дан ашпас ужурлуг, бандерольдуң — 5кг. Эр улуска чөпшээреп каан дамчыдылгаларның саны судтуң шиидип каан ёзугаар болур. Кыс улуска дамчыдылгалар кызыгаар чок. Өйлеп каан норманы «Открытое пространство”-нуң идекпейжилериниң таблицазында көрүп болур силер.

Колдуунда бо даңзы СИЗОже киирер даңзыга дөмей. 

Хеп киирип болур бе?

Колонияларда (колония-поселениеден башка) хоругдаткан кижилерге албан кара-бажыңның тускай хевин кедирер. Ынчалза-даа майканы, футболканы, иштики хепти, уктарны киирип болур. 

Идик дугайында нарын айтырыг, ынчалза-даа чурук чок, шидиишкин чок кара кроссовканы шеннэп киирип болур.

Канчаан эмнер киирип болур?

Эмнерни колонияның эмчи килдизинче аңгы дамчылга кылдыр азы почта таварыштыр киирип болур. Эмнер киирерде өйлеп каан нормазы өске болур, кол дамчылгаже кирбес. Хоругдаткан кижи аарый берген болза, өйлеп каан нормадан ажыр эмнерлиг дамчылганы киирип болур. Кандыг эмнер, каш катап ижерин колонияның эмчизи шиитпирлээр.