​​​​​​​Maxsus hibsxonaga, tergov izolyatoriga va koloniyaga o’tkazmalarni qanday yig’ish kerak

Rossiya shaharlarida odamlar Ukrainaga bostirib kirilganiga norozilik bildirgani uchun hibsga olinmoqda, siyosiy mahbuslar tergov hibsxonalari va koloniyalarida qolmoqda. Qo’lga olinganlar va mahbuslar yomon sharoitda saqlanmoqda, shuning uchun ularga «tashqaridan» yordam kerak. Ushbu qo’llanmada biz sizga turli muassasalarga o’tkazmalarini qanday qilib to’g’ri yig’ish kerakligini aytib beramiz.

Lug’at

Maxsus hibsxona. U ichki ishlar vazirligining yurisdiktsiyasida va sud tomonidan ma’muriy hibsga olish tayinlanganlarni hibsga uchun mo’ljallangan. Hibsga olinganlar sudgacha polisiya bo’limida saqlanadi.

[ИВС] IVS (vaqtinchalik hibsxona). Bu ham ichki ishlar vazirligiga ham tegishli, ammo, qoida tariqasida, hali profilaktika chorasi tanlanmagan jinoiy huquqbuzarlikda gumon qilinuvchilar uchun mo’ljallangan. Agar maxsus hibsxonalarda joy bo’lmasa, ma’muriy hibsga olinganlar IVSga joylashtirilishi mumkin.

[СИЗО] SIZO (jazo hibsxonasi). Jinoyat sodir etishda ayblangan odamlar hibsga olish to’g’risida order berilgandan keyin u yerga joylashtiriladi. Tergov izolyatorida mahbuslar yopiq kameralarda saqlanadi. Muassasa Federal jazoni ijro etish xizmatiga tegishli.

[ШИЗО] ShIZO (jazo kamerasi). Hibsda saqlash tartibini buzganlar uchun kameralar joylashgan FSIN muassasasining alohida qismi. U yerda hibsga olinganlarning huquqlari yanada cheklangan.

[ПКТ] PKT (kamera turidagi xona). Hibsxonaga ShiZOga qaraganda qattiqroq qamoq sharoitlari bo’lgan koloniyaning alohida qismi. Ular u yerga tartibnii"qayta-qayta» buzganliklari uchun yuboriladi.

O’tkazma nima?

O’tkazmalar — bu mahbuslarga topshirilgan mahsulotlar va narsalar. Ular zarur, chunki ichki ishlar vazirligi va Federal jazoni ijro etish xizmati muassasalari har doim ham qonun bilan belgilangan standartlarga rioya qilmaydilar — masalan, ular gigiena vositalarini kerakli miqdorda chiqarmaydilar, suv va yetarli miqdorda oziq-ovqat bilan ta’minlamaydilar.

Voyaga yetgan har qanday odam o’tkazmalar qilishi mumkin — uning qarindoshligi bor yoki yo’qligi muhim emas. Bir kishi kuniga faqat bitta mahbusga o’tkazma qilishi mumkin.

O’tkazmalar qat’iy muvofiqlashtirilishi kerak, chunki ularning oylik vazn chegarasi cheklangan va ba’zi koloniyalarda o’tkazmalar soniga cheklovlar mavjud. Bu odatda yaqin qarindoshlar yoki mahbusni qo’llab-quvvatlash guruhi tomonidan nazorat qilinadi.

Agar siz qarindosh bo’lmasangiz, iltimos, mahbusning  yaqinlari, advokatlari yoki qo’llab-quvvatlash guruhining roziligisiz o’tkazmani amalga oshirmang. Agar siz biror narsani ularning roziligisiz o’tkazsangiz, boshqa shaxsdan o’tkazma qabul qilinmasligi mumkin.

O’tkazmaning umumiy qoidalari har doim ham qo’llanilmaydi:

• ta’lim koloniyalarining mahbuslariga (ya’ni voyaga yetmaganlar uchun koloniyalarga)
• jazo hibsxonasidagi (ShIZO) va kamera turidagi xonadagi (PKT) mahbuslarga (ular uchun cheklovlar mavjud)
• nogironlar, homilador ayollar va chaqaloqli ayollar uchun (ular uchun yengilliklar mavjud)
• ochlik e’lon qilganidan keyin mahbuslarga (ularga maxsus oziq-ovqat kerak)

O’tkazmalar byurosi

O’tkazmalar byurosi — bu muassasa hududidagi pul o’tkazmasini amalga oshirishingiz mumkin bo’lgan kichik xona. U yerga borishdan oldin, muassasa saytida ish vaqtini tekshirish yaxshiroqdir.

Quyidagilarni o’zingiz bilan olib kelishingiz kerak:

• pasport
• ruchka 
• o’tkazish uchun oziq-ovqat va narsalar
• o’tkazma qilish uchun iltimosnoma blanklarining bosma shakllari (siz ularni o’sha joyda olishingiz mumkin, lekin ularni o’zingiz bilan olib kelganingiz yaxshidir)
• kichik plastik qoplar,  biror narsani solib berishingiz kerak bo’lib qolgan vaziyat uchun 
• o’tkazmani mahbusga topshiriladigan bir yoki ikkita katta paket
• suyuqlik uchun shaffof plastik butilkalar va quyuqroq oziq-ovqat uchun plastik idishlar

O’tkazmalar byurosidagi navbatlar haqida nima deyish mumkin?

Ba’zi muassasalarda navbatni elektron tarzda oldindan bron qilish uchun (FSIN Okno) ФСИН.Окно xizmati mavjud. Jonli navbat asosida topshiriladigan o’tkazma odatda 30 daqiqadan uch soatgacha davom etadi. Navbat qoidalari har xil joyda bir-biridan farq qiladi: qayerdadir elektron navbat bilan jonli navbat parallel ravishda ishlaydi. Ba’zi joylarda ertalab birinchi bo’lib elektron navbatni, shundan keyin esa — jonli navbatni qabul qiladilar.

Ma’muriy hibsga olish va maxsus qabul qiluvchi muassasa

Insonni hibsga olib (avtozak) qamoqxona mashinasiga solganlarida

Norozilik harakatlari paytida polisiya xodimlari odatda qamoqxona mashinasining mahbuslar bilan to’ldirilishini kutishadi va bu bir necha soatga cho’zilib ketishi mumkin. Shaxs polisiya bo’limiga olib borilgunga qadar siz unga suv, oziq ovqat, poverbank, zaryadlovchi sim va advokatlarning kontaktlarini qamoqxona mashinasida berishga harakat qilishingiz mumkin. Bularni topshirishni siz polisiyadan so’rashingiz kerak, lekin bu narsalarni topshirishlari polisiyaning xohishi va sizning qat’iyatliligingizga bog’liq.

Shaxsni Ichki ishlar bo’limiga yoki sudga olib kelganlarida

Ba’zida tashrif buyuruvchilarni turli bahonalar bilan polisiya bo’limiga yoki sudga kiritishmaydi. Shuning uchun, sudda (ma’muriy ishlarda) siz advokatni oldingizga tushib, o’tkazmani olib ketishi uchun chaqirishingiz kerak. Ichki ishlar bo’limida o’tkazmani berib yuborishni navbatchi polisiyachidan so’rashingiz mumkin. 

Agar Ichki ishlar bo’limida o’tkazma qabul qilinmasa, unda siz murojaat qilishingiz mumkin:

• Rossiya Federasiyasi hukumatining 2012-yil 16-apreldagi qarorining 20-bandi;
• Ushbu qarorning 4-sonli ilovasi.

Agar siz hibsga olingan shaxsning ismi sharifini bilsangiz, sizning yoningizda pasportingiz bor bo’lib siz qabul soatlarida kelgan bo’lsangiz (odatda soat 10:00–18:00 gacha 13:00–14:00 da tushlik tanaffus), sizdan o’tkazmani qabul qilishlari shart.

Agar siz qabul soatlarida kelmasangiz, unda siz xizmatchi bilan muloqot qilishingiz kerak. Ko’pincha, ular o’z bo’limida bir necha o’nlab och odamlarga ega bo’lishni xohlamaydilar, harxolda, ularga o’tkazmalar qilishga ruxsat berishadi.

Ommaviy mitinglar paytida polisiya xodimlari ko’pincha himoyachilarni mahbuslardan uzoqroq tutish uchun «Qal’a» rejasini e’lon qilishadi. Bunday holda, o’tkazmalarni amalga oshirish deyarli imkonsiz bo’ladi. Shunga qaramay,"Qal’a» ni qat’iyat bilan buzish mumkin: bo’limga ommaviy qo’ng’iroqlar va navbatchiga yozma shikoyatlar bilan, shuningdek, siz munisipal deputatlar, advokatlar va ONK a’zolaridan yordam so’rashingiz mumkin. Ularga ruxsat berilishi amri maxol, lekin ba’zida bu yordam beradi.

Shaxs maxsus hibsxonaga joylashtirildi

Hibsga olingandan keyin shaxs maxsus hibsxonaga olib boriladi. U yerda 30 kungacha qoladi. O’tkazish qoidalari qabul qiluvchi hibsxonaga qarab farq qilishi mumkin, shuning uchun ularni muassasa saytida aniqlashtirish yaxshiroqdir. O’tkazmalarning maksimal umumiy og’irligi hibsga olingan hamma vaqt uchun 30 kilogrammni tashkil etadi, o’tkazmalar va posilkalar soni cheklanmagan.

Bularni albatta o’tkazish mumkin:

• tilimlangan non 
• qotgan non va teshikkulchalar 
• pechenye, ichida alkogolsiz yoki alkogol shimdirilmagan konfetlar va pryaniklar
• qattiq pishloq va dudlangan kolbasa
• suv
• gigiyena vositalari: tish cho’tkasi va tish pastasi, quruq va nam (spirtsiz) salfetkalar, hojatxona qog’ozi
• dori-darmonlar (qat’iy: maxsus hibsxona shifokoridan olingan resept bo’yicha)
• ko’pikli gilamcha
• choyshab va uxlash qopi
• kitoblar
• qog’oz, ruchka (ko’k yoki qora siyoh bilan), konvertlar va markalar
• ish materiallari

Sudgacha hibsga olish va tergov xibsxonasi (SIZO)

Siz oyiga 30 kilogrammni tergov izolyatoriga o’tkazishingiz mumkin. Bunga muntazam o’tkazmalar ham, onlayn-do’kon orqali buyurtmalar ham kiradi. Posilkalar va mahbus tomonidan o’z puliga sotib olingan barcha narsalar hisobga olinmaydi, ammo posilkalarning og’irligi cheklangan.

Erkak mahbus 50 kilogrammgacha shaxsiy buyumlar va oziq-ovqat mahsulotlarini saqlashi mumkin (hujjatlar hisobga olinmaydi). Ayollar uchun chegara 30 kilogramm. Homilador ayollar va uch yoshgacha bo’lgan bolalari bilan birga tergov hibsxonasida bo’lgan ayollar uchun chegara yo’q.

Ba’zida provokatorlar mahbusga uning chegarasini tugatish uchun ataylab keraksiz narsalarni topshirishadi. Bunday hollarda mahbus ma’lum bir shaxsdan o’tkazma olishni yozma ravishda rad etishi mumkin.

Tergov hibsxonasida ko’p narsalar noqulay ekanligini tushunishingiz kerak. Birinchidan, saqlash joyi deyarli yo’q. Ikkinchidan, agar odam koloniyadan koloniyaga o’tkazilsa, ularni tashish qiyin bo’ladi. Uchinchidan, koloniyada narsalar olib qo’yiladi va omborda saqlash uchun yuboriladi. Agar ular o’g’irlanmasa, qamoq paytida ularning bari changga aylanish xavfi bor.

Nimalarni o’tkazib bo’lmaydi?

Barcha o’tkazmalar tekshiriladi. Sizdan mahsulotlarni ochish va shaffof paketlarga solib qo’yish talab qilinishiga tayyor bo’ling.

Taqiqlangan mahsulotlar ro’yxati o’tkazmalar qabul qilish byurosidagi stendda yoki muassasa saytida joylashtirilishi kerak. Shu bilan birga, har bir tergov hibsxonasida (SIZO) nizom va «boshliqlarning buyruqlari» mavjud. Har qanday mahsulot yoki narsa o’tkazib yuborilishi qabul qilish joyidagi aniq xodimga bog’liq.

Shuningdek, ko’plab muassasalarda mavsumiy cheklovlar mavjud. Masalan, tez buziladigan ovqatni yozda o’tkazib bo’lmaydi, chunki kameralar va baraklarda har doim ham muzlatgichlar mavjud emas.

Taqiqlangan mahsulotlar

• hayot va sog’liq uchun xavf tug’diradigan yoki jinoyat quroli sifatida ishlatilishi mumkin bo’lgan narsalar, moddalar va mahsulotlar (masalan, pichoq va zajigalka)
• pishirishni talab qiladigan mahsulotlar (qaynoq suv solib pishirilishi mumkin bo’lganlar bundan mustasno)
• uyda tayyorlangan konservalar
• tuxum
• souslar
• rezavor mevalar, tarvuz, qovun, ananas, qo’ziqorin
• temir va shisha idishlardagi mahsulotlar

Nima yuborish mumkin?

Mahsulotlar

• danaksiz yuvilgan quruq mevalar — olma va nok; ba’zi yerlarda: banan, mandarin, apelsin, limon (qishda siz mahbusda vitamin yetishmasligini aytib, qabul qiluvchini ishontirishingiz mumkin)
• sabzavotlar — piyoz, sarimsoq, sabzi; ba’zi yerlarda -bodring va pomidor
• urug’siz quritilgan mevalar — quritilgan olxo’ri, turshak, mayiz, anjir, xurmo; qobiqsiz yong’oqlar
• choy — faqat qora bargli choy, qo’shimchalarsiz; choy paketlari hamma joyda ham qabul qilinavermaydi
• kofe va kakao (boshqa xaltachaga to’kishingizni talab qilishlari mumkin)
• oqqand
• qiyomsiz konfetlar va karamellar
• pechenye, pryaniklar, vafli — barchasi qiyomsiz
• suxari, qotgan non, teshikkulchalar 
• non
• shokolad, marmelad
• myussli va qo’shimchalarsiz bo’tqalar (boshqa paketga ag’darishingiz so’ralishi mumkin)
• osh, ugra, bir lahzada pishiriladigan kartoshka pyuresi (ziravorlarsiz)
• chala dudlangan kolbasa (odatda to’g’ralgan, lekin ba’zan bir butunligicha), qaynatib –dudlangan kolbasa (faqat qishda), dudlangan baliq (suyak qiltanoqsiz), cho’chqa yog’i — har bir narsa vakuum qadoqlangan va amal qilish muddatini ko’rsatuvchi do’kon yorlig’i bilan bo’lishi kerak
• shaffof plastik shishadagi sut (saqlash muddati kamida 10 kun, 25gradus haroratda)
• ichimlik idishda yogurt, tvorog (qo’shimchalarsiz, barchasi 25gradusda uzoq muddat saqlanadigan) 
• saryog', qattiq pishloq (yaroqlilik muddati ko’rsatilgan qadoqlash idishida)
• sirlangan pishloqlar
• ba’zida sharbat va ichimliklarni tetrapak paketida o’tkazishga ruxsat beriladi, ammo oldindan aniqlashtirish yaxshiroqdir
• ba’zida go’sht va baliq konservalariga ham ruxsat beriladi

Mahsulotlar shaffof plastik qoplarda yoki yaroqlilik muddati ko’rsatilgan zavod qadoqlarida bo’lishi kerak. Ba’zi muassasalarda mahsulotlarni oldindan qadoqlash mumkin, boshqalarida esa uni o’tkazma stolida idishga solishni talab qiladilar. Agar siz muassasa qoidalarini bilmasangiz, mahsulotlarni oldindan o’rashingiz, idishlarga quyishingiz shart emas. Agar siz mahsulotni tarozi o’lchovi bo’yicha sotib olgan bo’lsangiz, ular vaznni ko’rsatadigan narx yorlig’iga ega bo’lishi kerak. Agar mahsulotlar bozordan sotib olingan bo’lsa, siz ularning vaznini yozib, keyin supermarketga borib, ularga tegishli stikerni olishingiz mumkin.

Gigiena vositalari

• kirsovun (birinchi martasida — plastik sovun idishi bilan)
• plastik tish cho’tkasi (birinchi martasida — plastik quti bilan) va plastik idishdagi tish pastasi
• spirtsiz nam va quruq salfetkalar
• shampun, dush geli, soqol olish geli (shaffof plastik paketda yoki quyish uchun shaffof plastik butilka bilan)
• sharikli dezodorant (aerozolsiz, spirtsiz va plastik qadoqda)
• plastik tyubikdagi krem
• kir yuvish kukuni (sizdan uni paketga ag’darishni so’ralishi mumkin)
• plastik kir yuvish tog’orasi
• rezina qo’lqop
• idish-tovoq yuvish uchun gubkalar
• shaffof idishdagi  idish-tovoq yuvish vositasi
• mochalka
• sochiq (qabul qilinmasligi mumkin)
• oq rangdagi — ikkita choyshab va yostiq jildi (qabul qilinmasligi mumkin)
• Tirnoq olish vositasi (kesuvchi va teshuvchi uchlari va pilkalari bo’lmagan holda)
• bir martalik soqol olish ustarasi
• taroq
• ayollar uchun prokladkalar va tamponlar (ular tergov izolyatorida juda kam beriladi)

Kiyim kechaklarlar

Ruxsat etilgan kiyimlarning ro’yxati ichki qoidalar (PVR) ilovalarda keltirilgan. Qoida tariqasida, Print va logotipli kiyimlarni, kamuflyaj kiyimlarini, shuningdek, ilgakli va chilvirli kiyimlarni o’tkazishga yo’l qo’yilmaydi. Agar siz kiyimning aniq razmerini bilmasangiz, kattarog’ini tanlaganingiz ma’qul.

• ichki kiyim va paypoqlar
• termal ichki kiyim
• futbolkalar
• sviter
• sport kostyumlari
• shimlar, jinsi shimlar
• supinatorsiz, bog’ichsiz va metall naboykasiz poyabzal-masalan, yopishqoqli krossovkalar
• kauchuk shippak
• kurtka
• shapka
• jun qo’lqoplar
• saqlash uchun katta sumka
• quloqchalar va uyqu niqobi (hibsxonada tunu kun yorug’va shovqin bo’lishi mumkin)

Yana nima?

• (kipyatilnik) qaynatgich 0,6 kVt quvvatgacha bo’lgan (ba’zi tergov hibsxonalarida faqat ma’lum qaynatgich (kipyatilnik) yoki plastik choynaklar qabul qilinadi, shuning uchun oldindan aniqlashtirish yaxshiroqdir)
• sigaretalar-agar mahbus chekmasa ham, ular almashtirish uchun valyuta sifatida ularga foydali bo’ladi (ular to’g’ridan-to’g’ri qadoqda qabul qilinadi, ba’zi bir joyda ularni baqvat qadoqda joylashtirish kerak — bu holda sigaretlarni uzatish ro’yxati oxiriga qo’shish yaxshiroqdir, shunda u paketning yuqori qismida qoladi va sigaret shikastlanmaydi)
• gugurt (ular paketchaga solib quyishni so’rashlari mumkin)
• plastik idishlar: stakan, tarelka va kosa
• kantselyariya qurollari-qalam, ko’k yoki qora siyoxli ruchka, prujinasiz daftarlar — qog’oz, markali konvertlar
• mahbus ularni imzolashi va yaqinlariga yuborishi uchun otkritkalar
• hujjatlarni sudga va koloniyaga orqaga qaytib olib yurish uchun papka, (lekin tergov izolyatoriga emas)

O’tkazmalar qabul qilinmasligi mumkinmi?

Ha. Agar mahbus boshqa muassasaga o’tkazilgan bo’lsa, sud yoki tergov harakatlari uchun olib ketilgan bo’lsa, jazo kamerasiga joylashtirilgan bo’lsa yoki siz olib kelgan o’tkazma ruxsat etilgan limitga to’g’ri kelmasa, o’tkazma qabul qilinmaydi.

Posilkalar qanday yuboriladi?

Posilkalarda siz tez buziladigan mahsulotlardan tashqari hamma narsani o’tkazmalardagi kabi o’tkazishingiz mumkin. Buning uchun siz pochta bo’limida kerakli o’lchamdagi qutini sotib olishingiz, unga narsalar va mahsulotlarni qo’yishingiz, o’tkazma blankini to’ldirishingiz va barchasini pochta orqali yuborishingiz kerak. Posilkalar o’tkazmalarga qaraganda sekinroq ketadi, shuning uchun tergov izolyatoriga yaqinroq filialni tanlash yaxshidir.

Kitoblarni qanday o’tkaziladi?

Odatda, kitoblar tergov hibsxonasiga posilkada yuborilishi mumkin, ammo ba’zi tergov izolyatorlarida ular faqat ozon xizmati orqali yetkazib berilishi mumkin. Buning uchun Savatga kitoblar qo’shing, oluvchining to’liq ismini va tug’ilgan sanasini kiriting, pochta orqali yetkazib berishni tanlang va tergov hibsxonasi bo’limining manzilini ko’rsating. Izohda posilkani «tergov hibsxonasiining o’tkazmalar byurosiga» yetkazib berish zarurligi ko’rsatilishi kerak. Tergov hibsxonasiga qabul qilingandan so’ng, kitoblar mahalliy kutubxonaga o’tkaziladi, u yerdan mahbus ularni o’zi uchun vaqtinchalikka olishi mumkin. 

Siz boshqa narsalar qatori yuridik adabiyotlarni ham yuborishingiz mumkin-masalan, Jinoyat-prosessual kodeksi, Jazoni ijro etish kodeksi, tergov hibsxonasidagi ichki tartib qoidalari va boshqalar.

Dori-darmonlarni qanday o’tkazish kerak?

Tergov hibsxonalari va koloniyalarining tibbiy bo’limlarida asosiy dori-darmonlar bo’lishi kerak, lekin aslida ular ko’pincha yetarli emas.

Dori-darmonlarni yoki vitaminlarni o’tkazish uchun ular muassasa shifokori tomonidan belgilanishi kerak. Buning uchun mahbus tibbiy bo’limga sog’liq muammolari haqida xabar berishi kerak. Agar tergov hibsxohasida zarur dori-darmonlar bo’lmasa, shifokor resept yozishi kerak. Mahbusning qarindoshlari uni o’tkazmalar byurosidan olib ketishlari mumkin.

Tibbiy o’tkazmalar boshqa jadvalga ega — uni  o’tkazmalar byurosida yoki muassasa saytida topish mumkin. Odatda, ko’pincha dori-darmonlarni topshirish uchun telefon orqali oldindan uchrashuv tayinlash kerak. Bundan tashqari, bunday o’tkazmalar uchun alohida Blank tuziladi.

Muhim: dori-darmonlar uchun cheklarini saqlang.

Tergov izolyatorida chiroqlar doimo yonib turishi tufayli odamlarning ko’rish qobiliyati tez-tez yomonlashadi, shuning uchun ularga ko’zoynak kerak bo’lishi mumkin. Agar qamoqxona oftalmologi tomonidan tasdiqlangan resept bo’lsa, ular o’tkazmalarda yoki posilkada o’tkazilishi mumkin. Ko’zoynaklar (ham linzalar va gardishlar) va g’iloflar plastik, metall qismlarsiz bo’lishi kerak.

Koloniya

Koloniyaga borishdan oldin mahbusga nima berish kerak?

Haqiqiy muddatga hukm qilingan mahkumni ko’chirish kerak, ya’ni tergov hibsxonasidan koloniyaga olib o’tish kerak. Biror kishi qaerga ko’chirilayotganini oldindan bilib bo’lmaydi (sud koloniya manzigohiga mahbusning o’zi borishini buyurgan hollar bundan mustasno). Koloniya boshqa mintaqada joylashgan bo’lishi mumkin va ko’chirib borish bir necha hafta davom etishi mumkin. Shu bilan birga, poezdda yashash sharoitlari juda yomon va u yerda bo’sh joy deyarli yo’q.

Tergov hibsxonasi ma’muriyati hukm kuchga kirganligi to’g’risida xabar olgandan keyin 10 kun ichida shaxsni ko’chirib o’tishi shart. Bu vaqt ichida mahbusdan unga nima yetishmayotganini bilib olish muhimdir.

O’tkazishingiz mumkin

• plastik butilka — agar ular poezdda hojatxonaga olib bormasalar, bu foydali bo’ladi
• nam salfetkalar — ular dushni o’rnini bosadilar
• issiq kiyim va shippak
• sigaret
• oziq-ovqat mahsulotlari yengil, ammo to’yimli bo’lishi kerak. Masalan, tez tayyorlanadigan makaron, shirinliklar, shakar, choy
• bir necha litr suv

Mahbusdan, hatto ko’p o’qisa ham, kamroq kitob olishini so’rang. Ularni olib yurish og’ir va noqulay, ayniqsa kishanlarda va doimiy tekshiruvlar va qidiruvlar bilan.

Koloniyaga nima yuborish kerak?

Koloniyalarda bitta o’tkazma va posilkaning maksimal og’irligi 20 kilogramm, banderollar — 5 kg. Erkak koloniyalaridagi o’tkazmalar va posilkalar soni jazoni o’tash tartibi va shartlariga bog’liq; ayol koloniyalarida esa cheklovsizdir. Siz «Ochiq maydon» faollari tomonidan tuzilgan jadval yordamida posilka cheklovlarini tekshirishingiz mumkin.

Asosan, maqbul mahsulotlar to’plami tergov hibsxonasiga o’tkazilishi mumkin bo’lgan mahsulotga to’g’ri keladi (bu haqda yuqorida batafsilroq).

Kiyimlarni o’tkazish kerakmi?

Koloniyalarda (turar-joy koloniyalaridan tashqari) mahbuslarga qamoqxona jomasini o’zlari berishadi. Bu asosiy kiyimga aylanadi. Shunga qaramay, futbolkalar, maykalar, ichki kiyimlar va paypoqlar, shu jumladan junli kiyimlar koloniyaga o’tkazilishi mumkin.

Poyafzalga kelsak, koloniya ma’muriyati qaysi biriga ruxsat berishini aytish qiyin. Siz logotipsiz, qo’shimchalarsiz, bog’ichsiz qora krossovkalarni o’tkazishga harakat qilishingiz mumkin –buning imkoniyati eng yuqori. 

Dori-darmonlarni qanday o’tkaziladi?

Dori-darmonlarni koloniyaning tibbiy qismiga o’tkazish yoki posilka orqali yuborish mumkin. Dori-darmonlar va vitaminlar solingan posilkalar o’tkazmalar limitiga kiritilmagan. Ularning o’z o’lchovlari bor. Agar mahkum kasal bo’lsa, u limitdan ortiq dori-darmonlar solingan qo’shimcha posilkalarni olishi mumkin. Aniq va qancha miqdorda dori-darmonlar o’tkazilishi mumkinligini tibbiy komissiya yoki unga biriktirilgan koloniya yoki shifoxonaning davolovchi shifokori hal qiladi.