Россиянын республикаларынын жана мурдагы СССР өлкөлөрүнүн 18 улуттук тилге котордук. Ар бир адам өз укугун коргоо жөнүндө эне тилинде окууга укуктуу деп эсептейбиз. Келечекте биз мындан да көп нускамаларды дагы көп тилдерге которууну каалайбыз. Эгер бул сизге маанилүү болуп көрүнсө, биздин ишибизди колдоп коюңуз — бул котормочулардын эмгегин төлөөгө жардам берет. Же волонтер болуңуз: бул үчүн сиз биздин волонтердук ботту ачып, андагы /баштоо баскычын басып, форманы толтурушуңуз керек.
Колдоо
Волонтер бол
Биз саясий куугунтуктун тобокелдиктерин жана кесепеттерин азайтууга жардам бере турган көрсөтмөлөрдү жана кызматтарды чогулттук. Суроолоруңуз же комментарийлериңиз болсо, биз менен [email protected] дареги аркылуу байланышыңыз .
-
Документ генератор
Генераптор10 мүнөттө сотко документтерди даярдайт.
-
Сотто жардам берүү
Жардам сурооНааразылык акцияларына же согушка каршы билдирүүлөргө катышканы үчүн кысымга кабылган адамдарга юридикалык жардам.
-
Юридикалык бот
Телеграм-ботБиздин операторлор жардамга келет телеграмма ботко жазыңыз.
Долбоор жөнүндө
ОВД-Инфо — орусиядагы саясий куугунтукту толугу менен токтотууну көздөгөн көз карандысыз укук коргоочу медиа долбоору. Биздин максат митингдерде камоолор жана саясий репрессиянын башка учурлары тууралуу маалыматтарды чогултуп, жарыялайбыз, камактагыларга юридикалык жардам көрсөтөбүз жана адам укуктары менен эркиндиктери жаатындагы системалык өзгөрүүлөрдүн үстүндө иштейбиз.
Орусияда дээрлик күн сайын саясий негизде кармоо, кызматтан алуу, суракка алуу, тинтүү жана камакка алуулар болуп турат. Алар менен парктын коргоочулары, жүк ташуучулар, алданган акционерлер, коррупцияга каршы күрөшчүлөр, шайлоочулар, саясатчылар, жарандык активисттер жана жөн эле кокус адамдар да кездешет. 2022-жылы репрессия согушка каршы болгондорго да таасирин тийгизген.
Эгерде сиз көчө митингинде кармалган болсоңуз, саясий көз карашыңыз же согушка каршы позицияңыз үчүн куугунтукталсаңыз, ОВД-Инфо юридикалык ботуна жазыңыз же 8 800 707-05-28 ишеним телефонуна чалыңыз.
Эгерде сиз OVD-Info менен юрист же коомдук жактоочу катары кызматташууну кааласаңыз, анда форманы толтуруңуз . Эгерде сизде юрист статусу же соттордо жактоо боюнча чоң тажрыйбаңыз жок болсо, биз коомдук жактоочу курсубуздан өтүүнү сунуштайбыз .
-
Полицияга эшикти ачпай коюуга болобу?
Ооба. Конституциянын 25-беренесине ылайык, турак-жай кол тийгис. Тиешелүү соттун чечимисиз же мыйзамда белгиленген учурлардын бири болбосо, анда жашаган элдин эркине каршы эч кимдин ага кирүүгө укугу жок. Алар «Полиция жөнүндө» мыйзамдын 15-беренесинде жазылган:
- массалык баш аламандыктар жана өзгөчө кырдаалдар учурунда жарандардын өмүрүн же алардын мүлкүн сактап калууга, жарандардын коопсуздугун же коомдук коопсуздукту камсыз кылууга;
- кылмыш жасады деп шектелген адамдарды кармоого;
- кылмышты токтотуу;
- кырсыктын жагдайларын аныктоо.
Башка учурларда, полиция кызматкери сиздин макулдугуңуз менен гана үйүңүзгө кире алат.
-
Айып пулду кантип төлөө керек жана төлөбөсө эмне болот?
Соттун чечими мыйзамдуу күчүнө кирген күндөн тартып же кийинкиге жылдыруу же бөлүп төлөө планы аяктаган күндөн тартып 60 күндүн ичинде айып пулду төлөөгө тийиш. Муну Госуслуги аркылуу эмес (ал жерде каталар көп болот), банк аркылуу кылган жакшы. Төлөм квитанциясынын көчүрмөсү сотко жөнөтүлүшү керек.
Айыпты төлөбөгөндүгү үчүн төмөнкүдөй жаза каралган: биринчи эселенген кошумча айып, 15 суткага чейинки мөөнөткө камакка алуу же 50 саатка чейин мажбурлап иштетүү.
-
Сизге кылмыш иши козголгонун кантип текшерсе болот?
- Иш козгой турган орган же бөлүм, же ал каралып жаткан сот жөнүндө маалымат болсо, адвокат менен сүйлөшүүгө болот. Ал сотто адвокаттын өтүнүчү менен кайрылат же иш материалдары менен таанышат.
- Ички иштер министрлигинин сайтындагы издөө маалымат базасынан карасаӊыз болот (бул үчүн өзүнчө электрондук почта түзүү жакшы — бул коопсузураак). Ыңгайлуу альтернатива — Mediazona маалымат базасы, бирок иш жакында ачылган болсо, анда ал жок болушу мүмкүн — экөөнү тең ошол жерден текшерген жакшы.
- Сиз ошондой эле мамлекеттик кызматтардан соттолгон же соттолбогон жөнүндө маалым катты талап кыла аласыз. Ал бир айдын ичинде жасалышы керек. Эгерде иш козголуп, бирок сотко жете элек болсо, маалым катта Кылмыш-жаза кодексинин беренесинин номери көрсөтүлөт. Эгерде сизге карата административдик иш козголгон болсо, бул да документте чагылдырылат.
- Эгерде «экстремисттик» жана «террористтик» беренелер боюнча иш козгоо коркунучу бар болсо, анда өзүңүздү Росфинмониторингдин тизмесинен издеңиз — ага шектүүлөр жана айыпталуучулар кирет. Тизменин жаңыланышын телеграмдан көрө аласыз.
- Эгер сиз үчүн алдын алуу чарасы тандалган болсо, бул тууралуу маалыматты Россияда жашаган же катталган жериңиз боюнча соттун сайтынан тапсаӊыз болот. Москва сотторунун сайтында ыңгайлуу издөө бар. Башка шаарлардагы соттордун веб-сайттарына өзүнчө кирүүгө туура келет. Ал жерден «Судебное делопроизводство» өтмөгүн таап, «Поиск информации по делам» бөлүмүнө өтүп, «Выбрана картотека поиска» бөлүмүнөн «Изменить» баскычын басып, «Производство по материалам» таап, фамилияңызды жазыңыз.
Тилекке каршы, бул ыкмалардын бири да так натыйжага кепилдик бере албайт.