Мы пераклалі гэтую старонку і прававыя інструкцыі на ёй на 18 нацыянальных моваў рэспублікаў Расеі і краінаў былога СССР. Мы верым, што кожны мае права чытаць аб абароне сваіх правоў на роднай мове. У будучыні мы хочам перавесці яшчэ больш інструкцыяў на яшчэ больш моваў. Калі гэта здаецца важным для вас, калі ласка, падтрымайце нашую працу — гэта дапаможа нам аплаціць працу перакладчыкаў. Альбо рабіцеся валанцёрамі: для гэтага трэба адкрыць наш валанцёрскі бот, націснуць у ім на кнопку /start і запоўніць анкету.
Падтрымаць
Зрабіцца валанцёрам
Мы сабралі інструкцыі і сэрвісы, якія дапамогуць знізіць рызыкі і наступствы палітычнага пераследу. Калі ў вас засталіся пытанні ці заўвагі, напішыце нам на пошту [email protected].
-
Генератар дакументаў
ГенераптарПадрыхтуе дакументы для суда за 10 хвілінаў.
-
Дапамога ў судзе
Заяўка на дапамогуПрававая дапамога людзям, якія сутыкнуліся з ціскам з-за ўдзелу ў акцыях пратэсту ці антываенных выказванняў.
-
Прававы бот
Тэлеграм-ботНапісаць у тэлеграм-бот, дзе вам на дапамогу прыйдуць нашыя аператары.
Аб праекце
ОВД-Інфо — гэта незалежны праваабарончы медыяпраект, мэта якога — дабіцца поўнага спынення пераследу па палітычных матывах у Расеі. Для гэтага мы збіраем і публікуем інфармацыю аб затрыманнях на акцыях пратэсту і аб іншых выпадках палітычных рэпрэсіяў, аказваем юрыдычную дапамогу затрыманым і працуем над сістэмнымі зменамі ў сферы правоў і свабодаў чалавека.
Палітычна матываваныя затрыманні, звальненні, допыты, ператрусы і арышты адбываюцца ў Расеі практычна штодня. З імі сутыкаюцца абаронцы паркаў, дальнабойнікі, ашуканыя дольнікі, змагары з карупцыяй, выбаршчыкі, палітыкі, грамадзянскія актывісты і проста выпадковыя людзі. У 2022 годзе рэпрэсіі закранулі і людзей, якія выступаюць супраць вайны.
Калі вас затрымалі на вулічнай акцыі, пераследуюць за палітычныя погляды ці антываенную пазіцыю — пішыце ў прававы бот ОВД-Інфо ці тэлефануйце нам на гарачую лінію па нумару 8 800 707-05-28.
Калі вы хочаце супрацоўнічаць з ОВД-Інфо як адвакат ці грамадскі абаронца, калі ласка, запоўніце анкету. Калі ў вас няма адвакацкага статусу ці вялікага досведу абароны ў судах, рэкамендуем прайсці наш курс грамадскага абаронцы.
-
Ці можна не адчыняць дзверы паліцэйскім?
Так. Згодна артыкулу 25 Канстытуцыі, жыллё недатыкальнае. Ніхто не мае права пранікаць у яго супраць волі людзей, якія ў ім жывуць, без адпаведнага судовага рашэння альбо калі гэта не адзін з выпадкаў, усталяваных законам. Яны прапісаныя ў артыкуле 15 закона «Аб паліцыі»:
- для выратавання жыцця грамадзянаў альбо іх маёмасці, забеспячэння бяспекі грамадзянаў альбо грамадскай бяспекі пры масавых беспарадках і надзвычайных сітуацыях;
- для затрымання падазроных у здзяйсненні злачынства;
- для спынення злачынства;
- для ўстанлявання абставінаў няшчаснага выпадку.
У іншых выпадках паліцэйскі можа ўвайсці ў ваш дом толькі з вашай згоды.
-
Як заплаціць штраф і што будзе, калі гэтага не зрабіць?
Асоба, прыцягнутая да адказнасці, павінна заплаціць штраф на працягу 60 дзён з дня ўступлення ў сілу рашэння суда альбо з дня заканчэння тэрміну адтэрміноўкі ці растэрміноўкі. Рабіць гэта лепш праз банк, а не праз «Дзяржпаслугі»: там часцей здараюцца памылкі. Копію квітанцыі аб аплаце трэба абавязкова накіраваць у суд.
За нявыплату штрафу прадугледжанае пакаранне: дадатковы штраф удвая большы за першы, да 15 сутак арышту альбо да 50 гадзін абавязковых працаў.
-
Як праверыць, ці завялі на вас крымінальную справу?
- Калі ёсць інфармацыя аб органе альбо аб аддзеле, які мог узбудзіць справу, ці аб судзе, у якім яна ў вытворчасці, можна дамовіцца з адвакатам. Ён зробіць адвакацкі запыт ці азнаёміцца з матэрыяламі справы ў судзе.
- Можна пашукаць сябе ў базе вышуку на сайце МУС (лепш завядзіце для гэтага асобную пошту — так бяспечней). Больш зручная альтэрнатыва — база ад «Медыязоны», але калі справу распачалі нядаўна, яе там можа ня быць — лепш на ўсялякі выпадак праверыць і там, і там.
- Таксама можна запытаць даведку аб судзімасці альбо яе адсутнасці на «Дзяржпаслугах». Яе павінны зрабіць на працягу месяца. Калі справу распачалі, але яна яшчэ не дайшла да суда, у даведцы пакажуць нумар артыкула КК. Калі ў адносінах да вас узбуджаная адміністрацыйная справа, у дакуменце гэта таксама адлюструюць.
- Калі ёсць рызыка справы па «экстрэмісцкіх» і «тэрарыстычных» артыкулах, шукайце сябе ў спісе Расфінманіторынгу — туды ўключаюць падазраваных і абвінавачаных. За абнаўленнем спісу можна сачыць у тэлеграме.
- Калі вам абралі меру стрымання, інфармацыю аб гэтым можна знайсці на сайце суда па месцы вашага жыхарства альбо прапіскі ў Расеі. У сайта маскоўскіх судоў ёсць зручны пошук. На сайты судоў у іншых гарадах давядзецца заходзіць асобна. Там трэба знайсці ўкладку «Судовае справаводства», перайсці ў «Пошук інфармацыі па справах», у раздзеле «Абраная картатэка пошуку» націснуць «Змяніць», выбраць «Вытворчасць па матэрыялах» і ўпісаць сваё прозвішча.
Нажаль, ніводны з гэтых спосабаў не можа гарантаваць дакладнага выніку.