Ми вуджӧдім тайӧ инӧд туйдӧса лист боксӧ Рочмуса республикаясса да вӧвлӧм Сӧвет Ӧтувлунса канмуясса войтыръяслӧн 18 кывйӧ. Ми эскам быдӧнлӧн эм чужан кывйӧн ассьыс инӧдъяссӧ дорйӧм йылысь лыддьысьӧм вылӧ инӧд. Водзӧ вылӧ ми вуджӧдны нӧшта унджык туйдӧс нӧшта унджык кывйӧ кӧсъям. Ті кӧ лыддянныд тайӧс тіянлы коланаӧн, сьӧмӧн отсав уджнымлы — тайӧ сетас позянлун мынтысьны вуджӧдчысьяслы уджсьыныс. Али ло волонтёрӧн ло: та могысь колӧ волонтёрӧн гижӧдчан ботнымӧс восьтыны, сэні /start личкыштны да анкета гижны.
Отсыштны
Волонтёрӧн лоны
Ми чукӧртім отсалан индӧдъяс да сервисъяс чинтыны кангӧгӧрса дзескӧдӧмлысь пудъясьӧмъяссӧ да помасьӧмъяссӧ. Тіян кӧ кольӧмаӧсь юалӧмъяс али пасйӧдъяс, гиж миянлы [email protected] электрон пошта пыр.
-
Кабала вӧчысь
ГенерапторКабалаяссӧ ёрд вылӧ 10 минутӧн дасьтас.
-
Ёрдын отсӧг
Отсӧг вылас юӧртӧмИнӧда отсӧг йӧзлы дзескӧдӧм паныд сувтӧм акцияясын вӧлӧмысь али тышлы паныд сёрнитӧмысь.
-
Инӧда бот
Телеграм-ботГижны телеграм-ботӧ, сэні Тіянлы отсаласны миян операторъяс.
Проект йылысь
ОВД-Инфо — Рочмуын вайӧдысь кангӧгӧрса подув вӧсна дзескӧдӧмлы тырвыйӧ дугӧдчӧм инӧд доръян асшӧрлуна медиапроект. Та могысь ми чукӧртам да йӧзӧдам юӧръяс паныд сувтӧм пайпас вылын кутӧмъяс йылысь да кангӧгӧрса мыждӧм мукӧд вӧвлӧмтор йылысь. Оланпас серти отсӧг йӧртӧмӧмъяслы сетам да мортлӧн инӧдъяс да мезд юкӧнын инас вежсьӧмъяс вылын уджалам.
Рочмуын кангӧгӧрса помка вӧсна кутӧмъяс, вӧтлӧмъяс, юасьӧмъяс, шобӧмъяс да йӧртӧмъяс овлӧны збыльысь быд лун. Паркъяс дорйысьяс, автоӧн ылі туйӧ ветлысьяс, ылӧдлӧм дольщикъяс, чиналӧн вузалунлы паныд тышкасьысьяс, бӧрйысьысьяс, чина мортъяс, карувса нырччысьяс да виччысьтӧм йӧз тшӧтш накӧд паныдасьласны. 2022-воын дзескӧдӧмъяс тышлы паныд сувтысь йӧзлы тшӧтш инмисны.
Тіянӧс кӧ ывлавывса пайпас вылын кутӧмаӧсь, кангӧгӧрса видзӧдласъяс дзескӧдасны али тышлы паныд видзӧдлас вӧсна — гиж ОВД-Инфо инӧда ботӧ али звӧнит миянлы 8 800 707-05-28 нумера пӧсь визь вылӧ.
Гиж юасьӧм, Ті кӧ кӧсъянныд ёртасьны ОВД-Инфокӧд дорвидзӧгӧн али йӧзпӧвстса дорйысьӧн. Тіян кӧ дорвидзӧга статус абу али ёна ёрдъясын дорйӧм кузя сям абу, вӧзъям пырны миянлысь йӧзпӧвстса дорйысьлысь курс.
-
Позьӧ-ӧ оз восьтыны ӧдзӧссӧ поличияса уджалысьяслы?
Да. Ыстыся оланподувлӧн 25 гижӧд дорӧ, оланінсӧ оз позь вӧрзьӧдны. Некод оз вермы пырны сэтчӧ сэні олысь йӧзлӧн кӧсйӧмлы паныд ёрдлӧн лӧсялана шуӧмтӧг али кор тайӧ абу оланпасӧн индӧм лоӧмторысь ӧти. Найӧс гижӧма «Поличия йылысь» оланпаслӧн 15 гижӧдын:
• канмортлысь олӧм али налысь эмбур видзӧм могысь, йӧзлӧн шызьӧмъяс да виччысьтӧм лоӧмторъяс дырйи канмортлысь лёк суӧмысь видзанног али йӧзпӧвстса лёк суӧмысь видзанног могмӧдӧм могысь;
• мыж вӧчӧмысь грекуйтӧмъясӧс кутӧм могысь;
• мыж вӧчӧм дугӧдӧм могысь;
• неминучалысь помкаяссӧ тӧдмалӧм могысь.
Мукӧд дырйи поличияса уджалысь вермас пырны Тіян керкаӧ сӧмын Тіян лэдзӧмӧн.
-
Кыдзи мынтыны штрапсӧ да мый лоӧ, тайӧс кӧ он вӧч?
Кыскӧм мортлы колӧ мынтыны штрапсӧ ёрдлӧн помшуӧм вынсялан лунсянь али вочасӧн мынтӧм али нюжӧдан кадколаст кольӧмсянь 60 лун чӧжӧн. Вӧчны тайӧс бурджык банк пыр, а оз «Госуслуги» пыр: сэні тшӧкыдджыка овлӧны шыбӧльяс. Мынтысьӧм йылысь квитанциялысь копия колӧ быть мӧдӧдны ёрдӧ.
Штрап мынтытӧмысь урчитӧма мыждӧм: содтӧд штрап медводдзасьыс кык пӧв ыджыдджык, 15 луна-вояӧдз йӧртӧм али 50 часӧдз быть удж.
-
Кыдзи тӧдмавны, панӧмаӧсь-ӧ тіян вылӧ криминал мог?
• Эм кӧ юӧр орган али юкӧн йылысь, коді вермис панны могсӧ, али ёрд йылысь, кӧні могкӧд уджалӧны, позьӧ сёрнитчыны дорыйськӧд. Сійӧ вӧчас дорйысьлысь шыӧдчӧмсӧ али тӧдмасяс моглӧн материалъясӧн ёрдын.
• Позьӧ корсьны асьтӧ МВД-лӧн сайтысь корсьысян базаысь (бурджык та могысь вӧчны торъя пошта). Бурджык альтернатива — «Медиазоны»-лӧн базаыс, но могыс кӧ панӧма неважӧн, сійӧ сэні, гашкӧ, оз ло базаын — бурджык быдлаӧ видзӧдлыны
• Нӧшта позьӧ корны мыжмылӧм али мыжмылӧм абутӧм йылысь юӧртан кабала «Госуслуги» сайтысь. Сійӧс вӧчӧны тӧлысьӧн. Могыс кӧ панӧма, но сійӧ абу на воӧма ёрдӧдз, кабалаас индӧны УК-са гижӧдлысь номерсӧ. Тіян серти кӧ панӧма администрацияса мог, кабалаас тайӧс гижасны.
• Эм кӧ «экстремизм» да «терроризм» йылысь УК-са гижӧдъяс серти моглӧн риск, корсьӧй асьнытӧ Росфинмониторинглӧн лыддьӧгысь — сэтчӧ пыртӧны мыжалӧмаясӧс да мыждӧмаясӧс. Лыддьӧгсӧ выльмӧдӧм бӧрся позьӧ видзӧдны телеграмын.
• Тіянлы кӧ бӧрйисны мыж пыкӧд, та йылысь юӧрсӧ позьӧ аддзыны тіян али Рочмуын кабалаын гижӧдӧм оланінса ёрдлӧн сайтысь. Мӧскуаса ёрдъяслӧн сайтын эм лӧсьыд корсьысьӧм. Мукӧд карса ёрдъяслӧн сайтъясӧ ковмас пыравны торйӧн. Сэтысь колӧ корсьны «Судебное делопроизводство» пыртас, мунны «Поиск информации по делам»-ӧ, «Выбрана картотека поиска» юкӧнын личкыштны «Изменить», бӧрйыны «Производство по материалам» да гижны ассьыд овтӧ.
Некутшӧм татшӧм мог оз вермы кыв сетны стӧч бӧртас.