Бидэ энэ хуудаһые мүн хуулита заабаринуудые Россиин болон байһан Зүблэлтэ Холбоото Уласай 18 үндэһэн хэлэн дээрэ руу оршуулаабди. Хүн бүхэн ѳѳрынгѳѳ хуули хамгаалхын тухай түрэл хэлэн дээрээ уншаха эрхитэй гэжэ бидэ этигэнэбди. Саашадаа бидэ үшѳѳ олон заабаринуудые үшѳѳ олон хэлэнүүд руу оршуулха түсэбтэйбди. Хэрбээ та манай ажалые шухала гэжэ һанаа һаа, бидэниие дэмжэгты — энэ хадаа оршуулагшадта салин мүнгыень үгэхэдэ бидэндэ туһалха. Али үгы һаа, манай волонтер бологты: волонтернуудай бот руу орожо, start гэһэн тобшо руу даража гараһан хуудаһа бүртгэгты.
Дэмжэхэ
Волонтер болохо
Политикын талаар агналгын хэрэгтэ туһа болохо заабаринуудые бидэ суглуулаабди. Хэрбээ танда үшѳѳ асуудалнууд али мэдүүлгэнүүд байгаа һаань, манай почтын аяг руу [email protected] бэшэгты.
-
Бэшэг баримтануудай генератор
ГенерапторАрбан минутын хоорондо сүүдтэ хэрэгтэй болохо саарһануудые бэлдэхэ.
-
Сүүдтэ туһаламжа
Туһаламжа эрихэБуруушалгын жагсаалда али дайнай тухай һанамжаяа гаргаһан зондо хуулин туһаламжа.
-
Хуулиин бот
Телеграм-ботТелеграм-бот руу бэшэхэ. Тэндэ манай мэргэжэлтэд туһалха.
Түсэл тухай
ОВД-Инфо хадаа — бэе дааһан хуулита медиатүсэл. Тэрэнэй зорилго хадаа — России соо политикын талаар агналгын хэрэг бүри болюулха гэһэн. Тэрэ хэрэгэй түлѳѳ бидэ протестна хэмээ ябуулганууд дээрэ баригдаһан зон тухай мүн ѳѳр хүнэй эрхидэ харша ушарнуудтай таараһан зонууд тухай мэдээсэл суглуулжа табинабди, баригдаһан зондо хуулиин талаар туһаламжа хүргэнэбди, хүнэй эрх сүлѳѳгэй байдал ѳѳршэлүүлхэ ажал ябуулнабди.
Политическа шалтагаанаар барилга, ажалһаа гаралга, асуудал мүрдэлгэ, нэгжүүл, түрмэдэ хаалга гэһэн ушарнууд России гүрэн соо үдэр бүри болоно. Тиимэ байдалнуудаар паркнуудай хамгаалагшад, холо харгыда ябадаг жолоошод, мэхэлүүлһэн дольщигууд, эзэлжэ байhан тушаалаа өөрын ашаг олзын тулада хэрэглэлгэтэй тэмсэгшэд, һунгагшад, политигууд, эрхэтэнэй талаар эдэбхитэн ба миин юрын зон тааралдадаг. 2022 ондо дайнһаа эсрэг һанамжа гаргаһан зон хамалганда абтаа.
Хэрбээ таниие үйлсэдэ болоһон хэмжээ ябуулга дээрээ бариһан һаа, мүн политическахарасын али дайнай байдал буруушалһан шалтагаанаар мүрдэжэ байгаа һаань, манай ОВД-инфогой хуулин бот руу бэшэгты, үгы һаа 8 800 707-05-28 утаһаар хонходогты.
Хэрбээ та ОВД-Инфотой хамта ажалахаяа хүсѳѳ һаа, та үмѳѳрэгшэ али хуулиин талаар хамгаалагша һаа, эндэ орожо асуудалнуудта харюусагты. Хэрбээ танда үмѳѳрэгшын эрхи үгы һаа, манай хуулиин талаар хамгаалагшын һургуули гарахыетнай уринабди.
-
Сагдаанарта үдээ нээгээгүй байжа болох гү?
Болохо. Конституциин 25-хи статьягаар хүнэй гэр гар хүрэшэгүй. Хэншье байһан зоной зүбшѳѳрэлгүй гэрэй досоонь орожо болохогүй. Харин сүүдэй шиидэбэри ганса бии һаань, али хуулин талаар баталагдаһан ушар мүн «Сагдаанар» гэһэн 15-хи хууляар хааргдажа байһан ушар байгаа һаань, сагдаанар ѳѳһэдѳѳ орохо аргатай.
• эрхэтэдэй ами наһа али эд зѳѳри абарихаяа, гуримгүй байдалда эрхэтэдэй мүн олониитын аюулгүй байдал зохёохоео
• гэм хэһэнэй һэжэглэгдэжэ байһан зониие бариха
• гэм болохые уридшалжа
• оһол болоһоной ушарыень мэдэхэеэБусад байдалнудта сагдаанар ганса танай зүбшѳѳлһѳѳ гэртэтнай орохо аргатай.
-
Яажа торгуули түлэхэб харин түлѳѳгүй һаа, юун болохоб?
Баригдаһан хүн сүүдэй шиидэбэри гаргаһанай һүүлээр 60 үдэрэй хугасаа соо торгуулияа түлэхэ ёһотой. Тэрэниие банкаар түлэхэдэ һайн — «Госуслуги» сайтаар ходо алдуунууд гараха ушартай. Түлэһэн тухай квитанциин хуулбариие сүүд руу заабол ябуулха хэрэгтэй.
Торгуули түлѳѳгүй һаа, үшѳѳ ехэ торгуули дахинаа абаха, арбан табан үдэр соо хаагдаха үгы һаа 50 саг соо уялгын ажал хэхэ хэһээлгэнүүд табигдана.
-
Уголовно хэрэг эхилээ гү гэжэ яажа шалгахаб?
• Хэрбээ танда уголовно хэрэг эхилһэн байгуулгын али сүүдэй мэдээсэл бии һаань, тэдэнтэй холбогдожо, үмѳѳрэгшэтэйгѳѳ хэлсэхэдэ болохо. Тэрэ хадаа үмѳѳрэгшын һуралга хэхэ али хэрэгэй материалнуудаар сүүд соо танилсаха.
• МВД-гэй сайт дээрэ ѳѳр тухайгаа мэдээсэл бэдэрхэдэ болохо (тэрэ хэрэгээр тусхай почто бүртхэгты — тэрэ аюулгүй). Бүри тааруу арга — «Медиазонын» сайт. Харин танай хэрэг һаяхана эхилээ һаань, тэндэ үгы байжа болохо. Ямаршье гээ һаань, хоертэйнь шалгахада буруу бэшэ.
• Сүүдлэгдэгшэ тухай справка «Госуслуги» гэһэн сайт дээрэ абахада болохо. Тэрэниие нэгэ һарын хугасаа соо хэхэ ёһотой. Хэрбээ хэрэг эхилэгдээ һаань, харин тэрэ сүүдтэ үшѳѳ хүрѳѳгүй, справка соо статьягай дугаарыень табиха. Хэрбээ танда захиргаанай талаар хэрэг эхилээ һаань, тэрэ саарһан соо тэрэниие мэдүүлхэ.
• Туйлдаа хүрэhэн үзэл бариматалха али айлган hүрдүүлхэ гэһэн статьянуудаар танай хэрэг эхилэгдэжэ магадгүй һаань, Росфинмониторингын хуулбари соо бэеэ бэдэрэгты — тиишэнь һэжэглэлтэдэ али гэмлэлтэдэ ороһон зониие бэшэдэг. Телеграм соо суглуулбари шэнэлэгдэдэг.
• Хэрбээ танай хэрэгээр шиидэбэри гаргаа һаань, танай ажаһуудаг али бүртхгдэһэн сүүдэй хаяагаар сайт дээрэ мэдээсэл табигдаха. Москвагай сүүдүүдэй сайт дээрэ тааруу бэдэрэлгэ бии. Бусад сүүдүүдэй сайтууд дээрэ ондоо. Тэндэ хадаа «Судебное делопроизводство», руу ороод, һүүлээрнь «Поиск информации по делам» руу орожо, «Выбрана картотека поиска» соо «Изменить» гэһэн тобшо дараад, «Производство по материалам» руу орожо ѳѳрынгѳѳ нэрэ обогоо бэшэхэт.
Харин тиихэдэ нэгэшье эдэ арганиинь тодорхой дүн асаржа үгэхэгүй юм.