Ми берыктӥмы та сайтэз, но отын сылӥсь правовой инструкциосты Россиысь республикаослэн, но азьвыл СССР-ысь кунъёслэн 18 национальной кылъёсы. Ми оскиськом, котькудӥз адями аслэсьтыз правооссэ утён сярысь анай кылын лыдӟыны быгатэ. Азьпалан ми эшшо тросгес инструкциосты эшшо тросгес кылъёсы берыктыны малпаськом. Тӥледлы со кулэ кадь потэ ке, ӟеч каре милесьтым ужаммес юрттыны — со милемлы переводчикъёслэсь ужамзэс тыронэз юрттоз. Яке волонтёр луэ: со понна милесьтым волонтёр ботъёсмес усьтыны кулэ, отчы /start кнопка вылэ поныны, но анкетаез тыртыны.
Юрттыны
Волонтер луыны
Ми бичамы политической курадӟонлэсь рискъёссэ, но берпуметъёссэ ӧжытгес карыны юрттӥськись инструкциос, но сервисъёс. Юанъёсты яке пусйӧмъёсты кылизы ке, гожтэлэ милемлы [email protected].
-
Документъёс генератор
ГенерапторСудлы документъёсты дасялоз 10 минут куспын.
-
Судын юрттэт
Юрттэт курыныВожвылъясь конъёсы пыриськемзы яке ожмаськонлы пумит вераськемзы понна курадӟонэн пумиськем адямиослы правовой юрттэт сётон.
-
Правовой бот
Телеграм-ботГожтыны телеграм-ботэ, кытын тӥледлы юрттӥськыны лыктозы милям операторъёсмы.
Проект сярысь
ОВД-Инфо — со Россиысь политической сюлмаськонъёслэсь быдэс дугдылонзэс азинтонъя правозащитной медиапроект. Со понна ми люкаськомы, но ивортӥськомы протест ужрадъёсы кутэмын луэмъёс сярысь, но политической репрессиослэн мукет учыръёссы сярысь, юрттӥськомы кутэмын луэмъёслы, но ужаськомы адями правоос, но эрикъёс удысын системной воштӥськонъёс бордын.
Политикаен герӟаськем кутонъёс, увольнениеос, допросъёс, обыскъёс, но арестъёс Россиын котькуд нунал радъясько. Соосын пумисько паркъёсты утисьёс, дальнобойщикъёс, ӧрекчаськем дольщикъёс, коррупцилы пумит нюръяськисьёс, бӧрйисьёс, политикъёс, мерлыко активистъёс, но просто удалтэм адямиос пумисько. 2022-тӥ арын репрессиос йӧтӥськизы ожлы пумитъяськись адямиослы но.
Тӥледыз ульчаакциын кутӥзы ке, политической малпанъёсты, ожмаськонлы пумит мылкыдзэ возьматэмды понна улляло ке — гожтэ ОВД-Инфо правовой ботэ яке вазиське милемлы 8 800 707-05-28 номеръя горячей линие.
ОВД-Инфоен юрист яке калык утись луыса ужаны мылкыд кариськоды ке, ӵектосэз тырмытэ. Адвокат статусэд яке судъёсын дурбасьтонлэн бадӟым опытэз ӧвӧл ке, ӵектомы милям общественный защитниклэсь курссэ ортчытыны.
-
Полицейскойёслы ӧсэз усьтытэк улыны яра-а?
Озьы. Конституцилэн 25-тӥ статьяезъя, улон инты вӧсь карыны луонтэм. Отын улӥсь калыклэн эрикезлы пумит, судлэн лэсьтэм решениеезтэк яке законэн пуктэм ужпумъёс пӧлысь одӥгез ке ӧвӧл ке, отчы нокин, но пырыны уг быгаты. Соос «Полиция сярысь» законлэн 15-тӥ статьяз гожтэмын:
• гражданалэсь улонзэс яке соослэсь ваньбурзэс утьыны, калыкез бугыръяськонъёс, эктонъёс дыръя гражданалэсь кышкатэк улонзэс яке калыклэсь кышкатэк улонзэ утён понна;
• йыруж лэсьтыны малпаськисьёсты кутон понна;
• йыруж лэсьтонлэсь дугдытон понна;
• шугадӟонлэсь амалъёссэ пуктыны.
Мукет дыръя полицейский юртады пырыны быгатэ тӥ соглаш луыса гинэ.
-
Штрафэз кызьы тыроно но мар луоз, сое ӧд ке тыры?
Штрафсэ кысконэ пыриськись судлэн пунэмез кужыме пыриськем нуналысен, яке сётон дырызлэн бырем нуналысен 60 нунал куспын тыроно. Сое «Госуслугаос» пыр ӧвӧл, банк пыр ӟечгес лэсьтыны: отын ӧрекчаськонъёс тросгес луо. Квитанцилэсь копизэ судэ одно ик ыстыны кулэ.
Штраф тыртэк кылем понна пунэм сётэмын: нырысетӥезлэсь кык пол бадӟымгес штраф, 15 нунал арест яке 50 часозь юри ужъёс.
-
Кызьы эскерыны луэ, тӥ вылэ уголовной уж усьтӥзы-а шуса?
• Ужрадэз кутскыны быгатӥсь орган, яке судэз сярысь, кудӥз дорын со уже кутэмын, тодметъёс вань ке, юристэн вераськыны луэ. Со юристлэсь куриськонзэ лэсьтоз яке судэ ужпумъёсын тодматскоз.
• МВД-лэн сайтысьтыз базаысьтыз асьтэдыз утчаны луэ (умойгес та понна нимысьтыз почта кылдытэ — озьы кышкатэкгес). Умойгес вариант — «Медиазонаысь» база, нош ужпумез азьвыл ик ӝутӥзы ке, со отын луыны уг быгаты — ӟечгес котьку, но отын но, отын, но эскерыны.
• Озьы ик «Госуслуги» сайтысь судить карем сярысь яке со ӧвӧл шуыса справка курыны луэ. Сое толэзь куспын лэсьтыны кулэ. Уж усьтӥзы ке, нош судэ ӧз на вуы, справкаын УК-лэн статьяезлэсь номерзэ возьматозы. Тӥ пумысен административной уж лэсьтэмын ке, документын со, но возьматэмын луоз.
• «Экстремист», но «террорист» статьяосъя ужпумъёс лэсьтонлэн кышкытэз вань ке, Росфинмониторингысь списокысь асьтэдыз утчалэ — отчы янгыше уськытэмъёсты, но янгыше уськытэмъёсты пырто. Списоке пыриськемъёсты телеграммысь чакланы луэ.
• Тӥледлы дугдытон мерлыкез бырйизы ке, со сярысь ивор басьтыны луэ улон интыысьтыды судлэн сайт вылысьтыз яке Россиын гожтӥськон интыысьтыды. Мускоысь судъёслэн сайтазы ӟеч утчан вань. Мукет каръёсысь судъёслэн сайтъёсазы нимысьтыз пырыны луоз. Отысь «Судебное делопроизводство» вкладкаез шедьтыны кулэ, «Ужъёсъя информациез утчаны» пала мыныны, «Быръем поисковой карточка» люкетаз «Изменить» бамаз поныны, «Производство по материалам» шуыса бырйыны, но аслэсьтыд фамилиедэ гожтыны.
Жаляса верано, та амалъёс пӧлысь нокудӥз, но зэмос йылпумъян сётыны уг быгаты.